Қонунчиликка кўра, жойларда аҳоли муаммоларини ҳал қилишга қаратилган "Халқ назорати" платформаси ишга туширилган.

Хабарлар интернет тармоғидаги xalqnazorati.uz, 1055.uz манзили, шунингдек, платформанинг мобил иловаси орқали юборилиши мумкин.

Аҳоли томонидан қурилиш, уй-жой коммунал хизмат, сув, канализация, иситиш тизими, электр ва бошқа муҳандислик таъминоти, транспорт ва йўл, шунингдек, ҳудуд инфратузилмасида мавжуд муаммолар юзасидан платформага юборилган хабарлар ваколатли органлар томонидан кўриб чиқилади.

Бунда, хабар берувчилар:

шахсини тасдиқловчи ҳужжат маълумотлари ва телефон рақамини киритган ҳолда платформада рўйхатдан ўтади;

платформада аниқланган муаммога мос келувчи хабар мавзулари таснифлагичини танлаб ўз шахсий кабинети орқали муаммони тавсифловчи маълумотларни шакллантиради;

муаммонинг манзили ва геолокациясини белгилаган ҳолда хабарни юборади.

Хабарда кўрсатилган муаммони қўриб чиқиш учун 10 календарь кунгача муддат белгиланади.