Қашқадарё вилоятининг Муборак туманида да йўловчилар билан ҳаракатланаётган автобуснинг газ баллони ёрилиб кетди. Бу ҳақда Фавқулодда вазиятлар вазирлиги хабар берди. Қайд этилишича, кеча 15 октябрь куни соат 16:50 ларда Қашқадарё вилояти Муборак тумани ҳудудидан ўтувчи “Қарши-Бухоро” ички йўлида “ISUZU” русумли автобус йўловчилар билан ҳаракатланиб кетаётган вақтда автобуснинг газ баллони ёрилиб кетган. Ҳодиса оқибатида 4 нафар фуқаро ўрта оғир даражада тан жароҳатини олиб, туман тиббиёт шифохонасига ётқизилган, қолган фуқароларга амбулатор ва психологик ёрдам кўрсатилган. Ҳалок бўлганлар йўқ.