Ҳиндистондаги поезд ҳалокатида қурбонлар сони ортиб бормоқда
Ўзбекистон
05.06.2023
527
Ҳиндистон темир йўл вазири Aшвини Вайшнав поезд ҳалокатига электрон сигнализация тизимидаги хатолик сабаб бўлгани, шу туфайли поезд йўналишини нотўғри ўзгартирганини маълум қилди.
Ҳиндистон Бош вазири Нарендра Моди айбдорларни жазолашга ваъда берди. Тергов иши воқеа учун ким жавобгар эканлигини аниқламоқда.
Фожиа жума куни шарқдаги Баласор шаҳри яқинидаги Одиша штатида юз берди. Янгиланган маълумотларга кўра, 300дан ортиқ одам учта поезд иштирокидаги авария қурбони бўлди. Расмийлар қурбонлар сони ортишини истисно қилмаяпти. Ҳалокат оқибатида юзлаб йўловчилар жароҳатланган.
Маҳаллий шифохоналарга кўплаб жароҳатланганлар ётқизилган. Клиникалардан бирига ҳукумат раҳбари ташриф буюриб, жабрланганлар аҳволидан хабар олган.
Кўпгина беморлар нафақат жисмоний, балки руҳий жароҳатдан азият чекмоқда ва бундан халос бўлиш учун анча вақт керак бўлади.
Жорий йил 2 июнь куни рўй берган фалокат Ҳиндистон тарихидаги учинчи йирик темир йўл ҳалокати ҳисобланади.
1981 йил 6 июнь куни Бихар штатида йўловчи поезди дарёга қулаб тушади. Бахтсиз ҳодиса оқибатида камида 750 киши ҳалок бўлган.
1995 йил 20 августда “Пурушоттам экспресси” Уттар-Прадеш штатида бошқа йўловчи поезди билан тўқнашиб кетади. Натижада вафот этганлар сони 350дан ошади.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
