Мамлакат Қишлоқ хўжалиги вазирлигининг маълумотига кўра, ички бозорда танқислик ва нархлар ошишининг олдини олиш мақсадида шундай қарор қабул қилинган. Шу йил охиригача қуйидаги маҳсулотларни экспорт қилиш тақиқланади: — Озуқа (пичан, сомон, аралаш озуқа, кепак ва дон еми); — арпа, буғдой, гуруч, жўхори. Қайд этиш мумкин, 2023-йил январь ойида Ўзбекистон ва Қирғизистон қишлоқ хўжалиги соҳасида ҳамкорлик бўйича йўл харитасини имзолаган. У ўзаро озиқ-овқат, жумладан, гўшт ва сут маҳсулотларини етказиб бериш бўйича жами 373 миллион долларлик учта шартномани ўз ичига олади.