Педагогларни малака синовларидан ўтказиш бошланди
Ўзбекистон
15.04.2024
380
© Фото: hudud24.uzЖорий йилнинг апрель-май ойларида Мактабгача ва мактаб таълими вазирлиги тизимидаги таълим муассасалари педагоглари Вазирлар Маҳкамасининг 2021 йил 17 сентябрдаги 572-сонли қарори талаблари асосида малака (тест) синовларидан ўтказилади.
2024 йилнинг 1 январидан бошлаб, ўқитувчиларга тоифа бериш жараёни бевосита Мактабгача ва мактаб таълими вазирлиги томонидан амалга ошириб келинмоқда. Бунда педагогларни аттестациядан ўтказиш учун вазирлик томонидан янги тизим яратилиб, малака тоифасини бериш амалиётининг такомиллаштирилган, инсон омилисиз ўтказиладиган янги тизими жорий этилди.
2023 йил 5-7 декабрь кунлари ўқитувчилар билим даражаси паст бўлган 20 та туман (шаҳар)да фаолият олиб бораётган педагоглар иштирокида малака тоифалари беришнинг мазкур янги тизими тажриба-синовдан ўтказилди. Унда 4123 нафар педагог иштирок этди.
Апрель-май ойларига белгиланган синов жараёнлари ҳам амалиётга жорий этилган янги тизим асосида ўтказилади.
Икки босқичда ташкил этиладиган мазкур малака тоифасини олиш синовлари мамлакатимиз миқёсида бугун, 15 апрель кунидан бошланди ҳамда май ойининг якунига қадар давом этади.
Биринчи босқичда педагогнинг мутахассислик фани ва касб стандарти бўйича билим даражаси баҳоланади. Иккинчи босқичда иштирокчининг педагогик маҳорати синовдан ўтказилади.
Ҳар иккала босқич ҳам компьютерда реал вақт режимида (онлайн) ўтказилмоқда. Бунинг натижасида ташқи аралашувнинг олди олиниб, инсон омили аралашувига йўл қўйилмайди.
Қайд этиш лозим, вазирлик томонидан аттестациясига тайёргарлик кўриш ва педагогларга малака тоифасини беришнинг янги тартиби – pedkadr.uzedu.uz электрон платформаси ишлаб чиқилган.
Аттестацияда иштирок этиш учун 243 минг нафардан ортиқ педагог онлайн ариза топширган бўлиб, уларнинг 202 минг нафардан зиёди аттестацияда иштирок этиши кутилмоқда.
Баҳолаш натижалари QR-код қўйилган электрон шаклдаги педагогларнинг шахсий кабинетига юборилади.
Аттестация натижасига кўра, педагог кадрларнинг ойлик иш ҳақига киритиладиган ўзгаришлар автоматик тарзда ҳисоблаб чиқарилиши учун UzASBO ёки бошқа молиявий ҳисоб-китоб дастурларига юборилади.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Мавзуга доир янгиликлар:
Ўқитувчиларни аттестациядан ўтказиш: аттестациядан ўта олмаганлар ишдан бўшатиладими? Муҳим 8 та қоида
Педагоглар аттестация узрли сабабга кўра келмаса, уларнинг аттестацияси бошқа муддатга кўчирилади. hudud24.uz яна бир бор ушбу мавзунинг муҳим жиҳатларига эътибор қаратади.
25 йил ва ундан кўп иш стажига эга ўқитувчилар мажбурий аттестациядан ўтказилмайди
Ҳукумат қарорига кўра, 2023 йил 1 апрелдан педагогик фаолият бўйича 25 йил ва ундан кўп иш стажига эга педагог ходимлар ва ёшга доир пенсияга чиқиши учун 5 йилдан кўп бўлмаган муддат қолган педагог ходимлар мажбурий аттестацияга жалб этилмайди.