Тошкент шаҳрида иситиш мавсуми Гидрометеорология хизмати тавсия берган кундан бошланади. Бу ҳақда пойтахт ҳокимлиги матбуот хизмати хабар берди. Маълум қилинишича, иситиш мавсуми Гидрометеорология хизмати агентлигидан иситиш мавсумини маълум санадан бошлаш тавсияси олинганидан кейин Тошкент шаҳар ҳокимининг қарори билан бошланади. Ҳокимият иситиш мавсуми яқин кунларда бошланишини билдирган. “Тошкент шаҳри аҳолисидан вазиятга тўғри баҳо бериб, сабр қилишларини сўраймиз ҳамда яқин кунларда иситиш мавсуми бошланишини маълум қиламиз”, - дейилади хабарда. Ҳокимият иситиш мавсумининг бошланиши жиддий жараён эканини ва улар бунга масъулият билан ёндашишини таъкидлаган.