Президент Администрацияси раҳбари ёрдамчиси лавозимидан озод этилди
Ўзбекистон
17.08.2023
840
Суннатилла Бекенов Ҳусанович Президент Администрацияси раҳбари ёрдамчиси лавозимидан озод этилди. Бу ҳақда ЎзА хабар берди. Суннатилла Бекенов 1971 йил Қозоғистоннинг Чимкент шаҳрида туғилган. Ўзбекистон Республикаси Банк-молия академиясида таҳсил олган. Тошкент давлат университети (ҳозирги Ўзбекистон миллий университети)нинг математика факультетини тамомлаган. Бекенов 2006-2007 йилларда Ўзбекистон Республикаси Молия вазирининг ўринбосари, 2008−2009 йилларда Вазирлар Маҳкамаси ижроия аппарати бошқарувчиси, 2009 йилнинг июлидан 2010 йилгача Иқтисодиёт вазири бўлиб ишлаган. 2010-2011 йилларда Ўзбекистон Биринчи Президенти Ислом Каримовнинг фармонига мувофиқ Ўзбекистон Молия вазирининг биринчи ўринбосари лавозимида фаолият юритган. Шунингдек, у Президент Шавкат Мирзиёевнинг 2019 йил 13 сентябрда имзолаган қарори билан Давлат активларини бошқариш агентлиги директори бўлиб ишлаган. 2022 йилда эса Президент Администрацияси раҳбари ёрдамчиси этиб тайинланган. IШунингдек, Фурқат Жалолович Рахимов Ўзбекистон Республикаси Президенти Администрациясининг Ижро этувчи аппарати таҳлилий материалларни тайёрлаш ва Администрация бўлинмалари фаолиятини мувофиқлаштириш шўъбаси мудири лавозимидан озод этилган.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Томди тумани ҳокими лавозимидан озод қилинди
2009 йилдан буён туман ҳокими бўлиб ишлаб келган Қайрат Алдабергенов ўз аризасига кўра лавозимини тарк этган.
Президент Администрациясида бир қатор янги тайинловлар амалга оширилди
Президент маслаҳатчиларига ўринбосарлар тайинланди.
Президент Администрациясида 3 та тайинлов амалга оширилди