Ўзбекистон
27.07.2023
569
"Россия мудофаа вазири Сергей Шойгу Пхенянда Шимолий Корея етакчиси Ким Чен Ин билан учрашди", деб хабар бермоқда Корея марказий телеграф агентлиги. Учрашув Россия ва КХДР ўртасидаги алоқаларни янада чуқурлаштиришга хизмат қилиши таъкидланган. Шунингдек, Шойгу КХДР раҳбарига Россия президенти Владимир Путиннинг мактубини етказгани маълум қилинди. Қайд этилишича, Ким Чен Ин етказилган хабар учун миннатдорчилик билдирган. Шунингдек, агентлик маълумотларига кўра, Шойгу ва Ким Чен Ин ўзаро совғалар алмашган. Шойгу Пхенянда КХДР мудофаа вазири билан музокаралар ўтказди. Томонлар миллий, минтақавий ва халқаро хавфсизлик масалалари юзасидан фикр алмашган. Ким Чен Ин ва Шойгу Пхенянда бўлиб ўтаётган 2023 йилги қурол-яроғ кўргазмасига ҳам ташриф буюрди, дея хабар беради “Корея Овози” радиоси. Таъкидланишича, Ким Чен Ин ва Шойгу биргаликда замонавий қуролларни кўздан кечирган, жаҳон тенденциялари ва қуролларни ривожлантириш стратегияларини муҳокама қилган. “Сергей Шойгу билан суҳбат чоғида Ким Чен Ин империалистларнинг зўравонликлари ва ўзбошимчаликларига қарши курашда томонларни қизиқтирган масалалар юзасидан ўз фикрини билдирди”, — дейилади “Корея Овози” хабарида. Бундан ташқари, Ким Чен Ин қурол-яроғ кўргазмасига ташрифи чоғида Шойгуга энг сўнгги учувчисиз самолётлар ва қитъалараро баллистик ракеталарни кўрсатди. Буни Марказий телеграф агентлиги томонидан чоп этилган фотосуратлар тасдиқлайди. Тасвирларда илгари ҳеч қаерда кўрилмаган камида иккита учувчисиз учиш аппарати акс этган. Уларнинг ташқи дизайни Американинг MQ-9 Reaper ва Global Hawk разведкачи учувчисиз самолётига ўхшаш. Фотосуратларда, шунингдек, КХДР жорий йилнинг апрел ва июл ойларида синовдан ўтказган “Хвасон-17” қитъалараро баллистик ракетаси ва қаттиқ ёнилғи двигателига эга сўнгги “Хвасон-18” ҳам кўрсатилган.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Путин Ким Чен Ин билан учрашди
Икки мамлакат етакчилари учрашуви янги Aнгара ракетаси йиғилаётган, ракета ўрнатиладиган ва синовдан ўтказиладиган бинода бўлиб ўтган.
Шавкат Мирзиёев бугун Россияга боради
Ўзбекистон Президенти Владимир Путиннинг таклифига биноан Келажак Ўйинлари” мусобақасининг тантанали очилиш маросимида иштирок этади.
Ким Чен Ин поездда Россияга боришни режа қиляпти
Ким Чен Иннинг синглиси AҚШни огоҳлантирди