Россия ва Ўзбекистон бош вазирлари Москвада энергетика бўйича муҳокама ўтказади
Ўзбекистон
18.09.2023
348
Жорий йилнинг 18 сентябрь куни Москва шаҳрида Михаил Мишустин ва Абдулла Арипов иштирокида икки давлат ҳукумат раҳбарлари даражасидаги Қўшма комиссиянинг 4-мажлиси бўлиб ўтади. ТАСС’нинг маълум қилишича, бош вазирлар савдо-иқтисодий, сармоявий ва маданий-гуманитар ҳамкорликни, шунингдек, саноат, энергетика ва қишлоқ хўжалиги соҳаларида ўзаро ҳамкорликни фаоллаштириш масалаларини муҳокама этиши кутилмоқда. Келтирилишича, Тошкент ва Москва 2022-2026 йилларга мўлжалланган ҳукуматлараро иқтисодий ҳамкорлик комплекс дастурини амалга оширяпти. Энергетика икки томонлама ҳамкорликнинг асоси бўлади. Хабарда Россия ва Ўзбекистон ўртасидаги газ соҳасида ҳамкорликни кенгайтириш Марказий Осиёнинг энергетик хавфсизлигини таъминловчи мамлакатларнинг ҳам миллий, ҳам минтақавий манфаатларига жавоб бериши айтилган. Бўлажак йиғилиш материалларида кўрсатилишича, 2022 йил якунига кўра Россия ва Ўзбекистон ўртасидаги товар айирбошлаш ҳажми 8,7 миллиард долларга етган ва 2021 йилга нисбатан 26 фоизга ошган. Жорий йилнинг январь-июль ойларида бу кўрсаткич 14 фоиздан ортиқ ўсиб, 5,2 миллиард долларни ташкил этган.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
