Телеграм орқали гиёҳванд моддалар савдоси ва самосуд билан шуғулланган 20 нафар шахс қўлга олинди
Ўзбекистон
21.02.2023
912
2022 йилнинг октябрь, ноябрь ҳамда 2023 йилнинг январь, февраль ойларида Телеграм мессенжерида гиёҳвандлик савдоси билан шуғулланган 20 нафар шахс қўлга олинган. Бу ҳақда Давлат хавфсизлик хизмати маълумот берди. Аниқланишича, Телеграм мессенжерида гиёҳвандлик воситалари савдоси билан шуғулланувчи канал 2020 йил Россия Федерацияси ҳудудида очилган бўлиб, бугунга келиб Ўзбекистонда унинг вакиллари фаолият юритмоқда. 2022 йилнинг октябрь ойида тезкор-қидирув тадбирлари натижасида Юнусобод туманида яшовчи фуқарони автомашинага мажбурлаб ўтқазиб, овлоқ жойга олиб бориб дўппослаган 3 нафар шахс ушланган. Маълум бўлишича, безорилик содир этган ушбу шахслар ва улардан жабр кўрган фуқаро ҳам аслида мазкур канал аъзолари бўлишган. Жабрланган фуқаро канал администратори топшириғига кўра, муқаддам белгиланган жойга яшириб кетилган кўп миқдордаги гиёҳвандлик воситасини олиб, уни кичик қисмларга бўлган ҳолда, харидорларга етказиб бериш ўрнига, наркотикни ўзбошимчалик билан ўзлаштириб олган ҳамда уни бошқа интернет канал орқали сотиб, даромад топишни режалаштирган. Бироқ,т хиёнат қилган одами наркотик моддани бошқа жойда сотмоқчи эканлигидан хабар топган канал администратори уни жазолаш учун юқорида тилга олинган фуқароларни юборган. Ҳозирга қадар бу каби эгасини алдаб, наркотик моддаларни ўзлаштириб олган кўплаб “закладчик”лар жазолаш билан шуғулланувчи 17 нафар шахс томонидан аёвсиз калтакланган ва бу жараёнлар видеотасвирга олиниб, топшириқ бажарилганлиги ҳисоботи тариқасида махсус каналга жойлаштирилган. Гиёҳвандлик воситалари савдоси билан шуғулланувчи канал администратори ҳар бир топшириқ учун уларга 300-500 АҚШ доллари миқдорида пул берган. Ҳозирда тергов жараёнлари кетмоқда. ДХХ ота-оналарни огоҳ бўлишга, фарзандларининг ижтимоий тармоқларда қандай каналларга аъзо эканлигини кузатиб боришга чақирди.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
