2024 йил 24 сентябрдан "Тошкент — Москва — Тошкент"йўналишида қатновлар йўлга қўйилади. Бу ҳақда "Ўзтемирйўлйўловчи"АЖ хабар берди.

Келтирилишича, Тошкент — Москва йўналиши бўйича биринчи поезд 24 сентябрда йўлга чиқади. Кейинги қатновлар 2 октябр, 10 октябр, 26 октябр, 2 ноябрь, 18 ноябрь, 26 ноябрь, 4 декабрь, 12 декабрь кунлари ўтказилиши режалаштирилган.

Москва — Тошкент йўналишидаги биринчи поезд 28 сентябр куни йўлга чиқади. Навбатдаги қатновлар 6 октябр, 14 октябр, 30 октябр, 6 ноябрь, 22 ноябрь, 30 ноябрь ва 8 декабрь кунлари ўтказилиши режалаштирилган.

Чипталарни "Ўзбекистон темир йўллари"сайти орқали харид қилиш мумкин. 24 сентябрда жўнайдиган поезд учун қуйидаги нархлар белгиланган:

плацкарт — 2 616 770 сўм,

купе — 3 574 240 сўм (282 АҚШ доллари)

Қайд этилишича, мазкур йўналишга чипталарни чегирма асосида харид қилиш мумкин. Яъни рейс санасидан қанча кун олдин чипта харид қилинса, чегирма фоизи шунча юқорироқ бўлади. Халқаро поездларда йўл ҳужжатлари нархи Ўзбекистон Марказий банки томонидан чипталар сотилган кунга белгиланган Швейтсария франки курси бўйича баҳоланади.