Ўзбекистон
09.08.2023
462
Тошкентда пенсиядаги мусиқа ўқитувчиси икки йил давомида 12 ёшли қизга тегажоғлик қилиб, унинг номусига тегмоқчи бўлган. Бу ҳақда “Nemolchi.uz” лойиҳаси хабар берди. Қайд этилишича, шу йилнинг май ойида таҳририятга 12 ёшли қизнинг онаси мурожаат қилган. Унинг сўзларига кўра, пенсиядаги мусиқа ўқитувчиси, 1957 й.т. С.А унинг қизига дарс бериш асносида икки йил давомида унга тегажоғлик қилиб келган, охиргисида эса номусига тегмоқчи бўлган. У оиланинг тўлиқ ишончига кириб, ҳатто уларнинг уйига ҳам бориб турган. Аввал қиз машғулотларга ўз ота-онаси билан қатнаган, лекин шу йилнинг март ойидан бошлаб бир ўзи қатнай бошлаган. Келтирилишича, ўқитувчи қизни бу ишларни ота-онасига айтадиган бўлса, у уларга қизнинг яхши шуғулланмаётганини айтиш билан қўрқитган. Жабрланувчи онасининг сўзларига кўра, ўқитувчи тизимли равишда қиз ёлғиз келганида унга нисбатан ўта уятсиз ва бузуқ ҳаракатлар қилиб, унга жинсий яқинлик таклиф қилган. 19 май куни қизча навбатдаги машғулотга келган вақтда ўқитувчи маст ҳолат унга тегажоғлик қилиб, номусига тегмоқчи бўлган. Қиз эса қочишга улгурган. Воқеадан хабар топган она ҳуқуқ-тартибот идораларига (102, туман ИИБ ходими) мурожаат қилиб, Тошкент шаҳар прокуратурасига ҳам ариза ёзган. Тегишли текширувларга кўра, суд-тиббий экспертиза қизнинг қўллари ва оёғида “кўп қонталашлар” борлигини тасдиқлаган. Маълум қилинишича, айни вақтда Султанов гаров эвазига озодликда қолмоқда, иш эса ЎзР Жиноят кодексининг 129-моддаси 2-қисми билан квалификация қилиниши режалаштирилмоқда (16 ёшга етмаган шахсга уятсиз ҳатти-ҳаракатлар содир этиш).
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.