Тошкентнинг икки туманида иссиқ сув лойқаланиб, қора заррачалар пайдо бўлди
Ўзбекистон
06.01.2024
864
© Фото: Ижтиоий тармоқVeolia Energy Tashkent компанияси пойтахтнинг икки туманидаги иссиқ сувда кўринган қора заррачалар бўйича тушунтириш берди.
Маълум қилинишича, 3–4 январь кунлари Veolia Energy Tashkent МЧЖ ХК (“ВEТ” МЧЖ ХК) ҳудудий бошқармаларига, шунингдек, ижтимоий тармоқлар орқали “Тошкент иссиқлик маркази” МЧЖга (“ТИМ” МЧЖ) қарашли 1-ИМ қозонхонаси ҳудудида жойлашган истеъмолчилардан иссиқ сувда лойқалик билан қора зарралар мавжудлиги юзасидан шикоятлар келиб туша бошлаган.
Шу сабабли “ВEТ” МЧЖ ХК кимё лабораторияси ходимлари томонидан зудлик билан 1-ИМ қозонхонасидан истеъмолчиларга етказиб берилаётган иссиқ сув таҳлили ўтказилган.
Аниқланишича, 3 январга ўтар кечаси 1-ИМ қозонхонасида сувни тозалаш фильтридан сульфатланган кўмир ажралиб чиққан. “ВEТ” МЧЖ ХК иситиш тармоқларига қозонхонадан сульфатланган кўмир тушиши натижасида Мирзо Улуғбек ва Яшнобод туманларидаги истеъмолчиларнинг иссиқ сувларида қора фракциялар (сулфокўмир) пайдо бўлган.
“Иссиқ сув параметрлари, ранг ва лойқаликдан ташқари, нормал ҳолатда. Сулфокўмир сувни фильтрлашда ишлатилади ва истеъмолчилар учун хавф туғдирмайди”, — дейилади муносабатда.
“ТИМ” МЧЖга қарашли 1-ИМ қозонхонаси ходимлари томонидан иссиқлик тармоқларида сульфатланган кўмир оқими бартараф этилган. Айни пайтда вазият қозонхона ва “ВEТ” МЧЖ ХК техник ходимлари томонидан назоратга олинган.
Компаниянинг таъкидлашича, иссиқ сув ҳисоблагичлари тиқилиб қолган тақдирда, “ВEТ” МЧЖ ХК ҳисоблагичларга (счетчикларга) профилактик хизмат кўрсатишга тайёр, агар керак бўлса, муҳрларни олиб ифлосланишни бартараф этгандан сўнг қайта ўрнатишга ҳам.
Шу билан бирга, истеъмолчилардан иссиқ сув ҳисоблагичларидаги пломбаларни ўзлари очмасдан, “ВEТ” МЧЖ ХК ҳудудий бошқармаларига (Мирзо Улуғбек ва Яшнобод туманлари) мурожаат қилиш сўралади.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Иссиқ сув ва “отопление”дан фойдаланиш: 7 та муҳим саволга жавоб
Кўп қаватли уйларда яшовчилар учун иссиқ сув таъминоти жуда муҳим. Қолаверса, айни куз-қиш мавсумида хонадонларнинг иситиш тизимларига ўз вақтида уланиши, ҳақ тўлаш тарифлари, иссиқлик корхонасининг истеъмолчини огоҳлантирмасдан уни иссиқлик таъминотидан узиб қўйиши каби масалалар атрофида доим саволлар айланади. Hudud24.uz қуйида иссиқлик таъминоти билан боғлиқ муҳим саволларга жавоб беради.
Бугун Тошкентнинг 4 та туманида иссиқ сув бўлмайди
Юнусобод, Олмазор, Шайхонтоҳур ва Мирзо Улуғбек туманларининг айрим ҳудудлари иссиқ сув таъминотидан вақтинча узилади.
Тошкентнинг 3 тумани аҳолиси 2 кунга иссиқ сувсиз қолади (рўйхат)
Мирзо Улуғбек, Юнусобод, Яшнобод туманларидаги айрим ҳудудларда иссиқ сув ўчирилади.
Тошкентнинг бир тумани аҳолиси 3 кунга иссиқ сувсиз қолади
Мирзо Улуғбек туманининг айрим ҳудудларида иссиқ сув таъминоти вақтинча тўхтатилади.