– Ўриндошлик асосида ишловчи ходим  асосий иш жойидан ташқари ўриндошлик иш жойидан ҳам “декрет пули” оладими ё ўриндошларга “декрет пули” берилмайдими?

– Вазирлар Маҳкамасининг 2024 йилдаги 31 майдаги “Айрим турдаги нафақаларни тайинлаш ва тўлашни тартибга солиш чора-тадбирлари тўғрисида”ги қарорига кўра, вақтинчалик меҳнатга лаёқатсизлик нафақаси, ҳомиладорлик ва туғиш нафақаси, янги туғилган болани фарзандликка олган ёки унга васий қилиб белгиланган ходимга бериладиган нафақа ўриндошлик асосидаги (шу жумладан, ички ўриндошлик асосидаги) иш жойи бўйича ҳам алоҳида тўланади. Соғлиқни сақлаш муассасаси томонидан берилган меҳнатга лаёқатсизлик варақасининг белгиланган тартибда тасдиқланган нусхаси ўриндошлик асосидаги иш жойидан нафақа олиш учун асос ҳисобланади.

Саволларга Тошкент давлат юридик университети

 ўқитувчиси Асал ЖЎРАЕВА жавоб берди