Ўзбекистон элчиси Буюк Британиядаги миссиясини якунламоқда
Ўзбекистон
13.10.2023
305
Ўзбекистоннинг Буюк Британиядаги элчиси ўз дипломатик миссияси й,акунламоқда. Бу ҳақда “Дунё” ахборот агентлиги хабар берди. Ўзбекистон элчиси Саид Рустамов кеча, 12 октябрь куну Буюк Британия ташқи ишлар вазирининг ўринбосари лорд Тариқ Аҳмад билан учрашган. Унда Ўзбекистон–Британия ҳамкорлигининг кун тартиби ва уни яна-да кенгайтириш истиқболлари муҳокама қилинган. Тариқ Аҳмад сўнгги йилларда сезиларли даражада фаоллашган ва янги мазмун билан тўлдирилаётган икки томонлама мулоқотнинг изчил суръатини юқори баҳолаган. Хусусан, юқори даражадаги ўзаро ташрифлар сони ортиб бораётгани, яқин сиёсий ва парламентлараро мулоқотлар, савдо-иқтисодий ва маданий-гуманитар алоқалар чуқурлашиб бораётгани қайд этилган. ТИВ раҳбари ўринбосари Буюк Британиядаги дипломатик миссиясини якунлаётган Саид Рустамовга икки давлат ва халқлар ўртасидаги очиқ, конструктив ва дўстона муносабатларни ривожлантиришга қўшган самарали ва ижодий ҳиссаси учун миннатдорлик билдирган. Маълумот учун, Саид Рустамов 2019 йилнинг октябрь ойида Буюк Британиядаги элчи лавозимига киришган эди. Бунгача у Исроилдаги элчихонани бошқарган, ТИВнинг қатор бошқармаларига раҳбарлик қилган, АҚШдаги элчи ўринбосари, вазир ёрдамчиси вазифаларида ҳам ишлаган.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
