“Бирлашган Миллатлар Ташкилотининг медиация натижасида эришилган халқаро келишув битимлари тўғрисидаги конвенциясига (Нью-Йорк, 2018 йил 20 декабрь) Ўзбекистон Республикасининг қўшилиши ҳақида”ги Қонун қабул қилинди.

Қонунга кўра, Бирлашган Миллатлар Ташкилотининг медиация натижасида эришилган халқаро келишув битимлари тўғрисидаги конвенциясига қуйидаги қўшимча шартлар билан қўшилинди:

1) ушбу Конвенция 8-моддаси 1-бандининг «а» кичик бандига мувофиқ Ўзбекистон Республикаси мазкур Конвенцияни тарафларидан бири Ўзбекистон Республикаси бўлган ёки ҳар қандай ҳукумат муассасаси ёхуд ҳукумат муассасаси номидан ҳаракат қилувчи ҳар қандай шахс бўлган келишув битимларига нисбатан татбиқ этмайди;

2) ушбу Конвенция 8-моддаси 1-бандининг «б» кичик бандига мувофиқ Ўзбекистон Республикаси мазкур Конвенцияни фақат, агар келишув битимининг тарафлари мазкур Конвенцияни ўз ўрталаридаги муносабатларга нисбатан қўллашга келишиб олган бўлса, татбиқ этади.

Мазкур Конвенция 2018 йил 20 декабрь куни Нью-Йоркда қабул қилинган.