Ўзбекистоннинг янги элчиси Германия Президентига ишонч ёрлиғини топширди
Ўзбекистон
26.10.2023
817
Ўзбекистон Республикасининг янги тайинланган Фавқулодда ва Мухтор Элчиси Дилшод Аҳатов Германия Федерал Президенти Франк-Валтер Штайнмаерга ишонч ёрлиқларини топширди, деб хабар бермоқда “Дунё” ахборот агентлиги. Тақдимот маросимидан сўнг бўлиб ўтган суҳбатда кўп қиррали Ўзбекистон-Германия ҳамкорлигининг ҳолати ва уни янада ривожлантириш истиқболлари муҳокама қилинган. Германия давлати раҳбари сўнгги йилларда эришилган икки томонлама муносабатлар ўзига хос динамизм ва шерикликнинг кенг кўламли йўналишларини қамраб олгани, шунингдек, Германиянинг Ўзбекистон билан ҳамкорлигини янада чуқурлаштиришдан манфаатдорлигини қайд этган. Франк-Валтер Штайнмаер Ўзбекистон раҳбарияти ва халқига муваффақият ва фаровонлик тилаб, самимий тилаклар билдирган. Германия Федерал Президенти қароргоҳида ишонч ёрлиқларини топшириш маросими якунида Ўзбекистон Республикаси байроғи кўтарилган. Маълумот учун, Дилшод Аҳатов Берлинга элчи бўлиб тайинланишидан олдин Ўзбекистоннинг Ҳиндистондаги элчихонасини бошқарган (2020–2023). У Жаҳон иқтисодиёти ва дипломатия университети ва Москва давлат халқаро муносабатлар институтини тамомлаган. Ташқи ишлар вазирлиги тизимида стажёр сифатида иш бошлаган ва бўлим ва Бош бошқарма бошлиғи, ташқи ишлар вазири ўринбосаригача бўлган мартаба зинапоясининг босқичларини босиб ўтган. 2010-2013 йилларда Германияда элчи, Швейтсария, Чехия, Швеция ва Испанияда ярим кунлик элчи бўлган. Дилшод Аҳатов 2017—2023-йилларда Берлинда элчи бўлиб ишлаган Набижон Қосимов ўрнини эгаллади.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Шавкат Мирзиёевнинг Германияга амалий ташрифи якунланди
Ўзбекистон Президенти ва Германия Федерал Канцлери Олаф Шолснинг икки томонлама музокараларида кўп қиррали ҳамкорликни янада ривожлантириш масалалари кўриб чиқилди.
Шавкат Мирзиёев биринчи “Марказий Осиё – Германия” саммитида иштирок этди
Марказий Осиё мамлакатлари етакчилари Германия томонининг Марказий Осиё ва Германия ўртасида стратегик минтақавий шерикликни йўлга қўйиш таклифини қўллаб-қувватладилар.
Шавкат Мирзиёев Германияга жўнаб кетди
Ўзбекистон Президенти Германия пойтахтида бир қатор расмий ва ишбилармонлик учрашувларини ўтказади.
Шавкат Мирзиёев амалий ташриф билан Германияга боради
Ўзбекистон Президенти Германия Федерал Канцлери Олаф Шолснинг таклифига биноан 28-30 сентябрь кунлари Берлин шаҳрида бўлади.