“Замон Авлонийси” спектакли
Ўзбекистон
02.10.2021
726
Муқимий номидаги Ўзбекистон давлат мусиқали театри қошидаги Қоракўл ёшлар театрида навбатдаги янги асар тақдимоти бўлди. Унда драматург Қўчқор Норқобил асари асосида Ўзбекистонда хизмат кўрсатган артист Александр Бекчонов саҳналаштирган (Рассом Жалолиддин Раҳимов, режиссёр Достон Хақбердиев) “Замон Авлонийси” спектакли намойиш этилди.
Саҳна асари заҳматкаш устоз Тўхтамурод Жумаевнинг ҳаёт йўли ҳақида бўлиб, унинг шогирдлари тақдирида ўзгаришлар ясагани, Қоракўл халқаро математика мактабига асос солиш йўли акс эттирилган. – Ўзбекистон халқ ўқитувчиси, “Буюк хизматлари учун” ва “Меҳнат шуҳрати” орденлари соҳиби, “Қоракўл мактаби” асосчиси Тўхтамурод Жумаевнинг ҳаёт йўлини анчадан буён ўрганиб юрардим,– дейди драматург Қўчқор Норқобил. – Шу саҳна асарини ёзишга қарор қилдим. Жамиятда ўқитувчи улуғланса, юксалиш бўлади. Устозларнинг қадрига етиш керак. Саҳна асари томошабинни шунга чорлайди. Премьерада Бухоро вилояти Қоракўл тумани ҳокими Ш. Саломов, ОАВ вакиллари ҳамда асар қаҳрамони Қоракўл халқаро математика мактаби асосчиси, Ўзбекистон халқ ўқитувчиси Тўхтамурод Жумаевнинг оила аъзолари иштирок этишди.Улашиш:
Бошқалар
2025 йил 1 апрелдан айрим йўналишларда фаолият юритувчи хўжалик субъектларга берилган эксклюзив ҳуқуқлари бекор қилинади
“ЎзИнжиниринг” лойиҳа институтининг инвестиция лойиҳаларининг лойиҳаолди ва лойиҳа ҳужжатларини ишлаб чиқиш бўйича эксклюзив ҳуқуқлар бекор қилинди.
Жамоавий меҳнат низоларини медиатор иштирокида ҳал этиш тартиби қандай?
Медиатор жамоавий меҳнат низосининг тарафларидан ушбу низога тааллуқли зарур ҳужжатлар ва маълумотларни сўрашга ҳамда олишга ҳақлидир.
Ҳар бир ҳудудда реновация жамғармалари ташкил этилади
Президент Шавкат Мирзиёев 9 апрель куни шаҳарсозлик реновациясининг ҳуқуқий асосларини белгилаш бўйича таклифлар тақдимоти билан танишди.
Кимошди савдосини ташкил этиш ва уни ўтказиш тартиби қандай?
Аукционлар ва танловлар очиқ ва ёпиқ бўлиши мумкин. Очиқ аукционда ва очиқ танловда хоҳлаган шахс қатнашиши мумкин.
