Менинг биринчи ўқитувчим, Сафартош муаллима Қурбонниёзова! Қўлимдан тутиб ҳарф ёздираётган маҳалингиз шу болакай орадан анча йиллар ўтгач, Сизни ўзи Бош муҳарририлик қилаётган газетага байрам совғаси сифатида обуна қилиб қўйишини ҳамда яқинда нашрдан чиққан китобини дасхат ила ҳадя этишини хаёлингизга келтирганмидингиз? Устоз, бугун шу ўй миямга ярқ этиб урилди; Худо хоҳласа, энди “Инсон ва қонун” Сизни ҳар ҳафта йўқлаб боради ва ҳар бир китобимга дастхат ёзиб Сизга  жунатаман!. Байрам муборак! Умрингиз узоқ бўлсин! Қўчқор НОРҚОБИЛ, “Инсон ва қонун” газетаси бош муҳаррири

---

Онажон! Эсингиздами, болалигимда – ҳали мактабга ҳам бормаган пайтимда уйимизга бир қатор нашрлар қатори “Ўзбекистон адабиёти ва санъати” газетаси келарди. Ўшанда сиз менга ана шу газета номини ҳарфлаб ўқишни ўргатгандингиз. Шунинг учун мен сизни ўзимнинг биринчи устозим деб биламан. Аммо менга илк сабоқни берган маҳалингиз ўғлингиз қачонлардир журналист бўлиб, республиканинг етакчи ҳуқуқий нашрларидан бирида ишлаши тушингизга ҳам кирмагандир. Бугун мен Сизни ўзим фаолият юритаётган “Инсон ва қонун” газетасига обуна қилдим. Бундан буён ҳар ҳафта қўлингизга газета етиб боради. Байрамингиз муборак бўлсин! Хуршид СУЛТОНОВ, “Инсон ва қонун” газетаси мухбири

---

Танлаган касбим билан нафақат ўзим, балки аяжоним ҳам ҳар доим фахрланиб юрадилар. Меҳнат қилаётган газетам аямнинг севимли газеталаридан бири ҳисобланади, Шу боис аям учун энг қадрли совға мен хизмат қилаётган “Инсон ва қонун” газетаси, деб ўйлайман. Шунинг учун газетамизга бир йиллик обуна мендан аяжонимга байрам совғаси бўлсин! Байрамингиз муборак бўлсин, аяжон! Жасур ТОЖИБОЕВ, “Инсон ва қонун” газетаси мухбири