AҚШ Давлат департаменти Украинанинг НAТОга аъзо бўлиши бўйича қарор коллектив равишда қабул қилинишини айтди. AҚШ Давлат департаменти матбуот котиби Ведант Пател Франциянинг Le Monde газетасида нашр қилинган Вашингтоннинг Украинанинг НAТО аъзолигига салбий муносабати ҳақидаги саволга жавоб берди. Унинг сўзлари департамент сайтида эълон қилинган. Пател Қўшма Штатлар иттифоқнинг очиқ эшиклар сиёсатини қўллаб-қувватлашини таъкидлади. "Шубҳасиз, бу жамоавий қарор ва уни бутун алянс ҳал қилиши керак", - дея қўшимча қилди у. Бироқ, Пателнинг таъкидлашича, ҳозирча AҚШ муаммоларни ҳал қилишда Киевни қўллаб-қувватлашга эътибор қаратган. Aввалроқ Оқ уй матбуот котиби Карин Жан-Пйер НAТОга янги аъзолар, жумладан, Украинани қабул қилиш бўйича қарорни ташкилотнинг ўзи қабул қилиши кераклигини айтган эди. Унинг қўшимча қилишича, бугунги кунда Вашингтон учун Киевга иқтисодий ва гуманитар ёрдам кўрсатиш устувор вазифадир.