Алиментни олдиндан тўлаш қимматга тушадими?
Ўзбекистон
17.04.2023
1 316
Хорижга кетиш учун алиментнинг 5 йиллигини олдиндан тўлаш мақсадида МИБга бордим. Менга 5 йиллик алимент учун 74 млн. сўм ҳисоблаб беришди. Менинг ҳисобим бўйича ойига 590 минг сўмдан тўлаганимда, жами 34 млн. сўм бўлиши керак эди. 74 млн. қандай ҳисобланганини тушунмаяпман. Бу вазиятда алимент пули тўғри ҳисобланганми? Олдиндан тўлаш белгиланган алиментлар суммасини ҳисоблашда, келгуси даврлар учун тўланадиган алиментлар суммасига, тўлов вақтидаги ҳар йилги алиментлар суммасининг Марказий банк томонидан белгиланган қайта молиялаш ставкасига капитализация коэффициенти қўлланилиши белгиланган. Агар ижро ҳужжатида алиментлар қарздорнинг ойлик иш ҳақи ва (ёки) бошқа даромадига нисбатан улушлар ҳисобида белгиланган бўлса — ойлик алимент суммаси қарздорнинг охирги ойдаги иш ҳақи ва (ёки) бошқа даромади улушидан, бироқ ҳисоблаш вақтида Ўзбекистон Республикасида амалда бўлган ўртача ойлик иш ҳақи миқдоридан кам бўлмаган миқдорда ҳисоблаб чиқилади. Бунда, қарздор ишсиз бўлса ёки ойлик иш ҳақи ва бошқа даромади тўғрисидаги маълумотлар тақдим қилинмаган тақдирда, тегишли улуш ҳисоблаш вақтида Ўзбекистон Республикасида амалда бўлган ўртача ойлик иш ҳақи миқдоридан келиб чиқиб ҳисобланиши назарда тутилган. Шу боисдан, давлат ижрочиси томонидан олдиндан тўланиши лозим бўлган алимент миқдори жорий ойлик тўловлар доирасида эмас, балки қонунчилик талаблари доирасида ҳисобланган. Алимент ҳужжатлари калькуляторида алимент суммалари ва олдиндан тўланадиган алимент суммаларини қонунчилик талаблари асосида ҳисоблаш мумкин.
Саволга фуқаролик ишлари бўйича Мирзо Улуғбек туманлараро суди судьяси Жасур Мамаюсупов жавоб берди.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
