Ўзбекистон
10.10.2023
377
Тошкентнинг Юнусобод туманида жойлашган Ботаника боғининг Тошкент шаҳар ҳокимлиги балансига ўтказиш борасида бир нечта бошқармалар, жумладан, Экология, атроф-муҳитни муҳофаза қилиш ва иқлим ўзгариши вазирлиги билан келишилгани ҳақида хабарлар тарқалди. Ҳолат юзасидан вазирлик муносабат билдирди. Экология вазирлиги кўра, Президентнинг "Экология, атроф-муҳитни муҳофаза қилиш ва иқлим ўзгариши вазирлиги фаолиятини самарали ташкил этиш чора-тадбирлари тўғрисида”ги қарорига мувофиқ, вазирлик Фанлар академияси билан биргаликда Ботаника боғи фаолиятини такомиллаштириш бўйича қарор лойиҳасини киритган. Лойиҳада боғнинг мавжуд ўсимлик турлари таркибини бойитиш, сунъий яратилган шароитларда етиштириладиган ёввойи ҳолда ўсувчи ҳамда чет эл флораларига мансуб интродуцент ўсимликлар турларини кўпайтириш, минтақанинг табиий-иқлим шароитларидан келиб чиққан ҳолда турли соҳаларда фойдаланиш учун тажриба ҳамда реализация қилиш кўчатхоналарини ташкил этиш, Қизил китобга киритилган, ноёб ва йўқолиб бораётган Ўзбекистон флораси турларини сақлаш ва табиий шароитга реинтродукция қилиш, маҳаллий ва иқлимлаштирилган доривор ўсимликлар генофондини сақлаш ва бойитиб бориш кўзда тутилган. Маълумот учун, Тошкент Ботаника боғига фундаментал ва амалий тадқиқотларга ихтисослаштирилган илмий-тадқиқот муассасаси сифатида 1943 йилда асос солинган. Умумий майдони 66 гектардан иборат бўлган боғда турли минтақалардан жамланган 2400 дан ортиқ ўсимлик турлари ва навлари ўстирилмоқда. Мавжуд илмий коллекцияларнинг салмоғига кўра Марказий Осиёда етакчилик қилади. Ботаника боғи 118 та давлатдаги 800 та ботаника боғлари билан иш олиб борувчи ҳамда ўсимликларни сақлаб қолиш бўйича ўзаро ҳамкорликни таъминловчи дунёдаги энг нуфузли Халқаро Ботаника боғларини ҳимоя қилиш ( ташкилотига аъзодир. Қолаверса, Ботаника боғи биохилма-хилликни сақлаш, экология бўйича билим ва кўникмаларни шакллантириш, манзарали, қимматбаҳо, доривор ўсимликлар, дарахт ва буталарни интродукциялаш ва етиштириш агротехнологияларини ишлаб чиқиш ёъналишларида тадқиқотлар олиб борувчи етакчи илмий академик ташкилот ҳисобланади. Ботаника боғида Ўзбекистон табиий флорасига мансуб ўсимликлар генофонди сақланмоқда. “Ушбу генофонд орқали мамлакат бўйлаб Ўзбекистон флорасида ҳозирги кунда мавжуд бўлмаган ўсимлик турларини етиштириш ва ўстириш имконияти мавжуд. Ушбу ноёб илмий масканнинг тасарруфдан чиқариб, бошқа вазирлик ёки идорага берилиши мамлакатда ботаника соҳасидаги фундаментал тадқиқотларнинг жиддий сусайишига ҳамда минтақадаги илмий позициянинг кучсизлантирилишига олиб келади. Юқоридагиларни инобатга олиб, шунингдек, ўсимлик турларини сақлаш ва муҳофаза қилиш, камёб ва йўқолиб кетиш хавфи остида турган ўсимлик турлари, доривор ва манзарали, техник жиҳатдан аҳамиятли ўсимлик турларининг популяцияларига зарар етказмаслик ҳамда уларнинг деградациясининг олдини олиш мақсадида Экология вазирлиги ва Фанлар академияси томонидан Ботаника боғининг илмий салоҳиятини янада оширишга доир лойиҳа киритилган”, – дейилади муносабатда.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
AI-80 дан воз кечишдан тортиб, қурилиш ишларига мораторийгача. Тошкентда ҳаво ифлосланишини камайтириш учун нималар таклиф қилинди?
Экология вазирлиги пойтахтда ҳаво ифлосланишини камайтириш учун 12 та таклиф берди.
Ботаника боғининг бир сантиметри ҳам ижарачи ёки қурувчиларга берилмаслиги шарт – Саида Мирзиёева
Президент ёрдамчиси жамоатчилик муҳокамасида бўлиб турган мавзуга муносабат билдириб, у Фанлар академияси ихтиёрида қолиши маълум қилди.
Ботаника боғи можароси: қонунчиликка ва ислоҳотларга зид лойиҳа нима учун ишлаб чиқилди? Ҳуқуқий таҳлил
Ижтимоий тармоқларда Тошкент шаҳрида жойлашган Ботаника боғини Фанлар академияси тасарруфидан чиқариб пойтахт ҳокимлигига ўтказиш тўғрисидаги Вазирлар Маҳкамаси қарори лойиҳаси қизғин муҳокамаларга сабаб бўлди. Hudud24.uz масалани ҳуқуқий жиҳатдан ўрганди.
Ботаника боғи Тошкент шаҳар ҳокимлиги балансига ўтказилмайди
Ҳокимлик ушбу илмий даргоҳни истироҳат боғига айлантиришга йўл қўймайди.