“DOK-1 MAKS” иши: гувоҳ масъул мансабдорлардан бири пора талаб қилганини билдирди
Ўзбекистон
20.10.2023
1 007
Бугун Тошкент шаҳар судида “Dok-1 Maks” иши бўйича навбатдаги суд мажлиси бўлиб ўтди. Суд жараёнига судья Мусо Юсупов раислик қилди. Бу галги суд мажлиси гувоҳлардан бири Ўзбекистон Республикаси Соғлиқни сақлаш вазирлиги ҳузуридаги “Дори воситалари, тиббий буюмлар ва тиббий техника экспертизаси ва стандартлаштириш давлат маркази” давлат унитар корхонаси директори ўринбосари хорижда ишлаб чиқарилган 11 турдаги дори воситаларининг ҳар бирини тан олиш йўли билан рўйхатдан ўтказиб бериш эвазига 8000 АҚШ долларидан пора талаб қилганини билдирди. Гувоҳнинг ўзи ҳам бунга ҳеч бир эътирозсиз рози бўлган. Келишувга кўра, аввал 50 минг АҚШ доллари берилиши, иш битгандан сўнг эса қолган маблағ берилиши керак бўлган. Бинобарин, ўша гувоҳ 2022 йилнинг охирларида директор ўринбосарининг ёрдамчиси орқали 50 минг АҚШ долларини қисмларга бўлган ҳолда берган. Шунингдек, ҳар бир дори воситаси учун 15 миллион сўмдан давлат божи тўлаган. Сўнгра директор ўринбосари ва назарда тутилган гувоҳ айрим дори воситаларининг Европа давлатларидан бирида рўйхатга олинганлиги тўғрисидаги сертификатни компьютерда қалбакилаштиришган. Аммо “Dok-1 Maks” дори воситасидан захарланиш туфайли болалар ўлими аниқлангач, айни масала ҳал этилмай қолган. Натижада пора берувчи 2023 йилнинг январь ойида пулларини қайтариб олган. Давлат божи учун тўланган пуллар эса қайтарилмаган. Қолаверса, корхона директори ўринбосари ёрдамчиси орқали ўша шахсга вақтинчалик хорижга чиқиб кетишини тайинлаб, йўл харажатларини ўзи қоплаб беришини айтган. Бироқ у бунга кўнмаган. Бундан ташқари, ўша гувоҳ судланувчи Ш.Х 2018-2019 йилларда 4 турдаги дори воситасини рўйхатдан ўтказиб бериш эвазига 4000 АҚШ доллари олганлигини ҳам таъкидлади. Бу ҳолатни у тергов жараёнидаги кўрсатмаларида ҳам тилга олган. Гувоҳ Х.Т. эса Синов маркази раҳбари сифатида тергов органининг топшириғига асосан, 5 та компьютер техникаларини ахборот технологиялари бўйича мутахассис билан бирга текширувдан ўтказишда қатнашган. Ана шу текширув мобайнида айрим қонунбузилиш ҳолатлари ҳам аниқланган. Суд 2023 йил 23 октябрь куни ўз ишини давом эттиради. Хуршид СУЛТОНОВ, журналист
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Шахс ўзининг хабарисиз номига кредит тузилишининг олдини олиши мумкин
Қонунчиликка кўра, жисмоний шахс ўзининг иштирокисиз ёки хабарисиз кредит битими тузилишининг олдини олиш учун ўзи билан кредит битими тузишни кредит бюросига ариза киритиш орқали тақиқлаши мумкин.
Мавзуга доир янгиликлар:
“Dok-1 Maks” иши: гувоҳлардан бири терговчи унга таҳдид қилганини билдирди
Суд 2023 йил 20 октябрь куни ўз ишини давом эттиради.
“Dok-1 Maks” иши: гувоҳлардан бири терговчига таҳдид қилганини билдирди
Суд 2023 йил 20 октябрь куни ўз ишини давом эттиради.
“Док-1 Макс” жиноят иши: “Quramax” дори воситасини рўйхатдан ўтказишда пул олди-бердиси бўлгани айтилмоқда
Қамоқда сақланаётган судланувчилардан бирига кўра, “Quramax” дориларини Ўзбекистонга импорт қилувчи хорижлик тадбиркор ундан дори воситасини инспекцион текширувдан ўтказмай туриб, рўйхатга олинишида амалий ёрдам беришини илтимос қилган.
“DOK-1 MAKS” жиноят иши: очиқдаги судланувчилардан бири қамоққа олинди
Тилхат эҳтиёт чораси қўлланилган судланувчи гувоҳлардан бирини ёлғон кўрсатма беришга ундагани ҳақида ДХХ раисига шикоят келиб тушган.