“DOK-1 MAKS” жиноят иши: очиқдаги судланувчилардан бири қамоққа олинди
Ўзбекистон
22.09.2023
1 083
Бугун Тошкент шаҳар судининг “Dok-1 Maks” иши бўйича бошланган суд мажлиси давом этди. Суд жараёни судья Мусо Юсупов раислигида бўлиб ўтди. Маълум бўлишича, тилхат эҳтиёт чораси қўлланилган судланувчилардан бири Э.Ж гувоҳлардан бирини ёлғон кўрсатма беришга ундагани ҳақида номаълум мурожаатчи томонидан ДХХ раисига шикоят келиб тушган. Шундан келиб чиқиб, судда иштирок этаётган давлат айбловчиси – Тошкент шаҳар прокуратураси бўлим прокурори Равшан Ражапов Э.Ж.га қўлланилган тилхат эҳтиёт чорасини ўзгартириб, қамоққа олиш хусусида илтимоснома киритди. Судлов ҳайъати маслаҳат уйига кириб чиққач, юқоридаги илтимосномани қаноатлантириш тўғрисида ажрим чиқарди. Судланувчи суд залидан қамоққа олинди. Суд мажлиси 2023 йил 27 сентябрь куни ўз ишини давом эттиради. Суднинг аввалги мажлисларида ҳиндистонлик тадбиркор ўзига тегишли корхонага инспекцион текширув тушишининг олдини олиш, шунингдек, Ўзбекистон ҳудудига «Док-1 Макс» сиропи каби яна бир талабга жавоб бермайдиган дорига рухсат олишга уринганини айтиб, агентликнинг собиқ ходимига 33 минг доллар берганини тан олган.
Хуршид СУЛТОНОВ,
“Инсон ва қонун” мухбири
Улашиш:
Бошқалар
Дорихоналарда тез-тез учрайдиган ёзув: “сотиб олинган дори воситалари қайтариб олинмайди”
Бироқ сифатсиз дори воситалари, шунингдек шифокор томонидан берилган рецептга номутаносиб тарзда дорихона томонидан реализация қилинган дори воситалари мазкур Низомга мувофиқ қайтарилиши лозим.
Никоҳ шартномаларини тасдиқлаш тартиби белгиланди
Низомга кўра, нотариуслар томонидан никоҳ шартномаси нотариал идора биносида, видеоконференцалоқа орқали ёки мурожаат қилувчиларнинг хоҳишига кўра сайёр тартибда расмийлаштирилади.
Нотариал ҳаракатларни видеоконференцалоқа орқали ўтказса бўладими?
Нотариал ҳаракатларни видеоконференцалоқа режимида амалга ошириш «E-notarius.uz» электрон портали ва «Notarius» автоматлаштирилган ахборот тизими орқали тартибга солинади.
Давлат органлари ва ташкилотлари функцияларининг мазмун-моҳиятига бағишланган янги услубий қўлланма
Қўлланмада давлат органлари ва ташкилотларининг вазифа ва функциялари ўзаро боғлиқ тушунчалар экани тушунтирилади.
Мавзуга доир янгиликлар:
“DOK-1 MAKS” иши: гувоҳ масъул мансабдорлардан бири пора талаб қилганини билдирди
Маълум бўлишича, “Дори воситалари, тиббий буюмлар ва тиббий техника экспертизаси ва стандартлаштириш давлат маркази” директори ўринбосари хорижда ишлаб чиқарилган 11 турдаги дори воситаларининг ҳар бирини тан олиш йўли билан рўйхатдан ўтказиб бериш эвазига 80 00 АҚШ долларидан пора талаб қилган.
“Dok-1 Maks” иши: гувоҳлардан бири терговчи унга таҳдид қилганини билдирди
Суд 2023 йил 20 октябрь куни ўз ишини давом эттиради.
“Dok-1 Maks” иши: гувоҳлардан бири терговчига таҳдид қилганини билдирди
Суд 2023 йил 20 октябрь куни ўз ишини давом эттиради.
“Док-1 Макс” жиноят иши: “Quramax” дори воситасини рўйхатдан ўтказишда пул олди-бердиси бўлгани айтилмоқда
Қамоқда сақланаётган судланувчилардан бирига кўра, “Quramax” дориларини Ўзбекистонга импорт қилувчи хорижлик тадбиркор ундан дори воситасини инспекцион текширувдан ўтказмай туриб, рўйхатга олинишида амалий ёрдам беришини илтимос қилган.