“DOK-1 MAKS” жиноят иши: эксперт эксгумация қилиш бефойда эканини айтди
Ўзбекистон
03.11.2023
904
Бугун Тошкент шаҳар судида “Dok-1 Maks” иши бўйича навбатдаги суд мажлиси бўлиб ўтди. Суд жараёнига судья Мусо Юсупов раислик қилди. Бу галги суд мажлисида суд-тиббий эксперти М.Д марҳум болаларнинг мурдасида ўтказилган экспертиза натижалари бўйича кўрсатма бериш баробарида раислик этувчи ҳамда адвокатларнинг саволларига жавоб қайтарди. Ўтган галги суд мажлисида адвокатлардан бири ҳолатга янада ойдинлик киритиш мақсадида вафот этган болаларнинг мурдасини эксгумация қилиш, уларда патологоанатом экспертизаси ўтказиш масаласини ҳал қилиш юзасидан илтимоснома киритган эди. Судья экспертнинг мазкур илтимосномага муносабатини сўради. Аммо М.Д эксгумация қилиш бефойда эканини таъкидлади. Унинг фикрича, марҳум болалар “Этилен гликол” ёки “Пропилен гликол” моддаларидан захарланиш туфайли вафот этган тақдирда ҳам дафн қилинганидан 30 сутка ўтгандан кейин бу ҳолатни аниқлаб бўлмайди. Судда видеоконференцалоқа орқали гувоҳлик берган андижонлик экспертнинг айтишича эса “Этилен гликол” ёки “Пропилен гликол” моддаси мурдада бор-йўқлигини 3-6 кунгача аниқлаш мумкин холос. Фуқаро Б.Р. жабрланувчининг қонуний вакили дея эътироф этилган. У Жиззах вилоятидаги тиббиёт муассасаларида жиянининг аҳволи ўнгланмагач, Самарқанд вилояти болалар кўп тармоқли тиббиёт марказига олиб борганини билдирди. Қолаверса, Б.Р давлат айбловчисининг жазо масаласидаги саволига жавобан мабодо судланувчиларнинг айби исботланган тақдирда уларга оғирроқ жазо беришни, судланувчиларга авфнома ёки амнистия сингари бағрикенглик чоралари қўлланилмаслигини сўради. Суд 2023 йил 6 ноябрь куни ўз ишини давом эттиради. Хуршид СУЛТОНОВ, журналист
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Мавзуга доир янгиликлар:
“Dok-1 Мaks” жиноят иши: жабрланувчилардан бири 10 млрд сўм товон пули талаб қилди
10 ноябрь куни давом этган “Dok-1 Maks” иши бўйича навбатдаги суд мажлисида жабрланувчилар судланувчиларга энг оғир жазо берилишини сўраб, моддий ва маънавий зарар ундирилишини талаб қилган.
“Dok-1 maks” жиноят иши: адвокатлардан бири марҳумлар қабрини очиб, экспертиза ўтказиш юзасидан илтимоснома киритди
Бугун, 1 ноябрь куни Тошкент шаҳар судида “Dok-1 Maks” иши бўйича навбатдаги суд мажлиси бўлиб ўтди.
Хоразмдаги педофил амалдорлар суд залидан қамоққа олинди
Айбдорларнинг ҳар бирига узил-кесил 3 йил муддатга озодликдан маҳрум қилиш жазоси тайинланган.
Блогер Олимжон Ҳайдаров иши бўйича очиқ суд жараёни бошланди
Қайд этилишича, мазкур жиноят иши очиқ суд мажлисида кўрилаётганлиги боис жамоатчилик ва оммавий ахборот воситалари вакиллари унда кузатувчи сифатида иштирок этишлари мумкин.