Фарғонада вилоятида ҳам ичимлик суви ва оқова хизматлар бўйича янги тарифлар тасдиқланди. Бу ҳақда “Ўзсувтаъминот” матбуот хизмати хабар берди. Унга кўра, 2023 йилнинг 15 ноябридан нархлар қуйидагича ўзгаради: Ичимлик суви: аҳоли учун 1 м3 — 1900 сўм (амалда 1000 сўм); бюджет ташкилотлари учун 1 м3 — 2991 сўм (амалда 1300 сўм); улгуржи истеъмолчилар учун 1 м3 — 2991 сўм (амалда 1300 сўм);. Оқова сув хизмати: аҳоли учун 1 м3 — 450 сўм (амалда 300 сўм); бюджет ташкилотлари учун 1 м3 — 777 сўм (амалда 365 сўм); улгуржи истеъмолчилар учун 1 м3 — 777 сўм (амалда 365 сўм). Маълум қилинишича, келгуси беш йилда вилоятда марказлашган ичимлик суви билан таъминланиш даражаси 76.3 фоиздан 95 фоизга, канализация қамрови эса 17,5 фоиздан 32 фоизга етказилиши режалаштирилган. Бунинг учун 4,3 триллион сўм эвазига, 4 675 километр ичимлик суви ва 882,2 километр канализация тармоғи, шунингдек, 898 та сув иншооти барпо этилиши белгиланган. Аввалроқ, Самарқандда ичимлик ва оқова сув нархи оширилаётгани ҳақида маълум қилинган эди. Мавзуга доир: Тошкентда сув ва канализация нархи ошиши кутилмоқда