Ижтимоий тармоқларда фарғоналик ўқитувчи қарздорлик сабаб калтаклангани ҳақидаги видеохабар тарқалди. Ҳолат юзасидан вилоят Ички ишлар бошқармаси муносабат билдирди. Қайд этилишича, воқеа кеча, 21 октябрь куни Данғара тумани “Пишқарон” маҳалласида содир бўлган. Мазкур маҳаллада жойлашган балиқхона ёнида фуқаро М.М. таниши Д.Т (видеохабардаги шахс) билан ўрталарида бўлган пул олди-бердиси масаласида ўзаро гап талашиб жанжаллашиб кетган. Оқибатда М.М. Д.Т. нинг бош ва юз қисмига уриб, тан жароҳати етказган. Ҳодиса жойига туман ИИБ ходимлари етиб борган ҳамда ҳолат тегишли тартибда рўйҳатга олинган. Ҳозирда тегровга қадар телширув ҳаракатлари олиб борилаётгани маълум қилинди. “Мазкур ҳолат вилоят ИИБ раҳбарияти томонидан алохида назоратга олинган. Якунига кўра қонун устуворлиги, жазо муқаррарлиги таъминланади. Шунингдек, видеохабарда келтирилган М.М. нинг ИИО ходими Ж.Т. га қариндошлиги аниқланмади. Фуқароларимиздан интернет ижтимоий тармоқларида тарқалган юқоридаги каби хабарларга расмий муносабат билдирилмасдан туриб, турли ноўрин ҳулосага бормасликларини сўраб қоламиз”, – дейилади муносабатда. Qalampir.uz’га кўра, Д.Т. Данғара тумани 1-сонли касб-ҳунар коллежида ўқитувчи бўлиб ишлаган, бироқ у 1 йил аввал ишдан бўшаган ва ҳозирда таълим тизимида ишламайди.