Германия гиёҳванд моддани қисман қонунийлаштирди
Ўзбекистон
17.08.2023
975
Германия ҳукумати наша етиштириш ва ундан фойдаланишни қисман қонунийлаштириш бўйича қонун лойиҳасини қабул қилди. Бу ҳақда соғлиқни сақлаш вазири Карл Лаутербах хабар берган. Вазирнинг сўзларига кўра, бу ташаббус қатор муаммоларни ҳал қилишга ёрдам беради. Улар орасида наша истеъмоли кўпайгани, бу борадаги жиноятлар сонининг кўпайиши ҳам бор. Лаутербахга кўра, қонунийлаштириш истеъмолчиларни қора бозордан ҳимоя қилади ва назорат остида тарқатиш соғлиқ учун хавфларни камайтиради. Шу билан бирга, вазир “ҳеч ким қонунни нотўғри тушунмаслиги керак”, деб таъкидлаган. “Нашадан фойдаланиш қонунийлаштирилади. Лекин уни истеъмол қилиш ҳали ҳам хавфли”, — деди Германия Соғлиқни сақлаш вазирлиги раҳбари. Унинг қўшимча қилишича, яқин вақт ичида лойиҳа муҳокама қилиниб, қонун йил охиригача кучга кириши мумкин. Германияда нашадан фойдаланишни қонунийлаштириш лойиҳаси 2022-йил октябрь ойида Европа Комиссиясига тақдим этиш учун тайёрланган. Соғлиқни сақлаш вазири ўшанда бу муаммони 2024 йилда ҳал қилиш мумкинлигини айтган эди. Жорий йилнинг апрель ойида Германия ҳукумати нашани қонунийлаштириш режаларини тақдим этди. Қонун лойиҳасига кўра, 18 ёшга тўлган истеъмолчилар оғирлиги 25 граммгача ва учта ўсимликкача бўлган гиёҳвандлик моддасини сақлаганлик учун жиноий жавобгарликка тортилмайди. Бундан ташқари, наша шахсий истеъмол учун 500 кишигача бўлган махсус уюшмаларда етиштирилиши мумкин. Бундай уюшмалар аъзоларига препаратни биргаликда етиштириш ва уни ўзаро тақсимлаш учун рухсат берилади. Шу билан бирга, тарқатиш кунига 25 грамм ва ойига 50 грамм билан чекланади.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Ўтган 9 ой ичида қарийб 9 минг кг наркотикнинг ноқонуний айланмаси фош этилган
Божхона қўмитаси томонидан амалга оширилган ишлар бўйича ахборот берилди.
Ўзбек-тожик давлат чегараси қисмида 90 кг наркотик мусодара қилинди
Сариосиё тумани Чашма қишлоғи ҳудудида 4 дона рюкзакда “героин”, “опий” ва “гашиш” моддалари аниқланган.
Ўзбекистоннинг янги элчиси Германия Президентига ишонч ёрлиғини топширди
Президент қароргоҳида ишонч ёрлиғини топшириш маросими якунида Ўзбекистон байроғи кўтарилган.
Шавкат Мирзиёевнинг Германияга амалий ташрифи якунланди
Ўзбекистон Президенти ва Германия Федерал Канцлери Олаф Шолснинг икки томонлама музокараларида кўп қиррали ҳамкорликни янада ривожлантириш масалалари кўриб чиқилди.