Ходим дам олиш куни ишга жалб этилиши мумкинми?
Ўзбекистон
30.12.2022
847
Меҳнат кодексининг 130-моддасига асосан ходимларни дам олиш куни ишга жалб этиш чекланиши белгиланган. Яъни дам олиш кунларида ишлатиш тақиқланади.Иш берувчининг фармойиши бўйича айрим ходимларни дам олиш кунлари ишга жалб этишга алоҳида ҳоллардагина,жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича ва тартибда йўл қòйилади. Ходимларни улар дам оладиган кунлари ишга жалб этиш меҳнат кодексининг 220-моддаси бешинчи қисмида ва 228,245-моддаларида белгиланган чеклашларга риоя қилган ҳолда амалга оширилади. Меҳнат кодексининг 157-моддасида дам олиш кунларида бажарган иш учун компенсация ва ҳақ тўлаш қуйидаги тартибда амалга оширилиши белгиланган. Иш вақтидан ташқари ишлар, дам олиш кунлари ва байрам кунларидаги ишлар учун камида икки ҳисса миқдорда ҳақ тўланади. Тўланадиган ҳақнинг аниқ миқдори жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланади. Байрам ёки дам олиш кунидаги иш ходимнинг хоҳишига қараб бошқа дам олиш куни бериш билан қопланиши мумкин. Ходимнинг илтимосига биноан иш вақтидан ташқари иш учун белгиланган иш вақтидан ташқари бажарилган иш соатига тенг келадиган миқдорда отгул бериши ҳам мумкин. Байрам ёки дам олиш кунидаги иш ёки иш вақтидан ташқари бажарилган иш учун бошқа дам олиш куни берилган тақдирда бундай ишлар учун камида бир ҳисса миқдорда меҳнат ҳаққи тўланади. Камол АҲМЕДОВ, Қоровулбозор туман Адлия бўлими ЙХКМ бош юрисконсульти
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Ходимга ортиқча тўланган иш ҳақи қайта ундириб олиниши мумкинми?
Ҳуқуқ Тиббиёт ходимига тайинланган ноқонуний маъмурий жарима бекор қилинди
Ҳуқуқ Уч ёшга тўлмаган болалари бор аёллар ҳафтасига неча соат ишлайди?
“Больничный”га чиққан ходимни ишдан бўшатиш мумкинми?