Жорий йилнинг 31 июль куни Транспорт вазирлигида Италиянинг “Arsenale Group” компанияси вакиллари билан учрашув ташкил этилди. Тадбир доирасида транспорт соҳасидаги ҳамкорлик масалалари муҳокама қилинди. Шунингдек, Ўзбекистоннинг тарихий шаҳарларида люкс сайёҳлик поездини ишга тушириш бўйича таклифлари тингланди. [caption id="attachment_17315" align="aligncenter" width="1280"] ФОТО: Mintrans_uz[/caption] Компания раҳбарияти вагонларни панорамали деразалар, ҳашаматли кабиналар ва ресторан вагонлари билан жиҳозлашни режалаштирмоқда. Бугунги кунда бундай поездлар қурилиш жараёнида бўлиб, 2026 йилда БАА ва Саудия Арабистонида ишга туширилиши режалаштирилган. “Arsenale Group” вакиллари люкс вагонларни Тошкент – Самарқанд – Бухоро – Хива – Тошкент йўналиши бўйича ишга туширишни таклиф қилди. Компания вакилларининг таъкидлашича вагонлар Италияда ишлаб чиқарилиши режалаштирилган. Мазкур сайёҳлик поездида жами 33 та кабина ва умумий сиғими 66 йўловчига мўлжалланган юқори қулайликка эга 12 та люкс вагонлардан иборат бўлиши кўзда тутилган. Учрашув якунида томонлар ушбу масала бўйича музокараларни давом эттиришга келишиб олдилар.