Канадада ўрмон ёнғинлари кучайиб бормоқда. Ёнғин натижасида Канада ва АҚШнинг кўплаб шаҳарлари, Торонто, Оттава, Нью-Йорк ва Вашингтон осмони тутун билан қопланди. [video width="720" height="1280" mp4="https://hudud24.uz/wp-content/uploads/2023/06/1.mp4"][/video] Жорж Вашингтон кўпригининг кўриниши (Нью-Жерси ва Нью-Йоркни боғлайди) Маълумотларга кўра, шу кунларда мамлакат ўрмонларида кечаётган ёнғинлар сони ва интенсивлиги бўйича дунё рекордини янгилаши мумкин. Бош вазир Жастин Трюдо ҳозир Канадада 414 та ўрмон ёнаётганини айтди. Маълум бўлишича, улардан 239 таси назоратдан ташқарида. 20 мингдан ортиқ аҳоли уйларидан эвакуация қилинган. Бундай ёнғинлар Канадада йилнинг шу даврига хос жараён. Бироқ бу йил кузатилаётган ёнғинлар кўлами ғайриоддий, қисман қуруқ об-ҳаво ва ҳароратнинг ниҳоятда исиши билан кечяпти. Агар ёнғинлар шу тезликда тарқалишда давом этса, 2023 йил Канадада энг мудҳиш ёнғин йили бўлиши тахмин қилинмоқда. Яқин атрофдаги ёнғинлар минглаб канадаликларни эвакуация қилишга мажбур қилди ва Шимолий Америка бўйлаб ўн миллионлаб одамлар потенциал тутун хавфи ҳақида огоҳлантирилди. Нью-Йорк ва Вашингтонда давлат мактаблари ёпилди, Нью-Йорк мэри Эрик Адамс вазият ёмонлашиши мумкинлигидан огоҳлантириб, аҳолини зарур бўлмаса уйларини тарк этмасликка чақирган. АҚШ махсус самолётларда 600 дан ортиқ ўт ўчирувчиларни Канадага ёрдам учун юборган.