Кеча, 3 апрель куни соат тахминан 17:00 ларда Қозоғистоннинг Актобе вилояти Алгин туманидан ўтган “Самара-Шымкент” автомобиль йўлининг 678 км.да “Toyota-Alhpard” русумли ҳамда  “Volvo” русумли юк автомобили иштирокида йўл-транспорт ҳодисаси содир бўлган. Йўл-транспорт ҳодисаси оқибатида “Toyota-Alhpard” русумли автомобилида бўлган жами 8 нафар Ўзбекистон фуқаролари олган тан жароҳатлари сабабли воқеа жойида вафот этган.

Ўзбекистон Президенти Шавкат Мирзиёевнинг топшириқларига асосан, бахтсиз ҳодисада вафот этганларни Мудофаа вазирлигининг махсус ҳаво борти орқали олиб келиш ва дафн этиш маросимларини ўтказиш бўйича Ҳукумат комиссияси тузилиб, керакли барча зарур чора-тадбирлар кўрилмоқда.