Кеча, 17 февраль куни Мисрдан Тошкентга гепатит C га қарши "Софосбувир-400мг" дори воситасининг бешинчи партияси етказиб берилди, деб хабар бермоқда "Дунё" ахборот агентлиги.

Ўзбекистон элчихонаси хабарига кўра, Миср ҳукумати томонидан 2025-йилга қадар умумий қиймати 4,2 миллион АҚШ долларига бўлган жами 800 минг дона C гепатитига қарши "Даcлатасвир" ва "Софосбувир-400мг", Б гепатитига қарши "Энтекавир" дори воситаларининг берилиши бўйича келишувга эришилган.

2023-йил давомида умумий қиймати 696 минг долларга тенг бўлган мазкур дори воситалари мамлакатгА босқичма-босқич юборилган.

Мутахассислар ҳисоб-китобига кўра, бир нафар беморнинг 3 ойлик тўлиқ даволаш курси учун 3 қадоқ "Даcлатасвир" ва 3 қадоқ "Софосбувир" керак бўлади. Мазкур даволаш курсининг Мисрдаги ўртача нархи $31, Ўзбекистонда эса жорий йилга қадар 100 долларга дея баҳоланиб келинган. Миср ҳукумати тақдим этадиган 800 минг дона дори воситаси жами 133 минг беморга етади. Яъни, агарда гепатит C га қарши дори воситаларини шу пайтгача хориждан харид қилинаётган баҳоларда сотиб олинганда Ўзбекистон давлат бюджетидан 13,3 миллион долларга сарфланган бўларди. Давлат бюджетидан иқтисод қилинган маблағлар гепатитни аниқлаш бўйича аҳолини "скрининг" қилиш ҳажмини жорий 10 мингдан 1 миллионга қадар ошириш, вирусларни аниқлаб, касалликка тўлиқ барҳам беришга имкон яратиши кутиляпти.