Ўзбекистонда Рамазон ҳайити 10 апрель куни нишонланади. Бу ҳақда Ўзбекистон мусулмонлари идораси Матбуот хизмати хабар берди.

Қайд этилишича, идора Уламолар Кенгашининг навбатдаги онлайн мажлиси бўлиб ўтган.

Мажлис якунларига кўра, Ўзбекистон мусулмонлари идораси Уламолар Кенгаши фиқҳий қоидалар, фалакий ҳисоб-китоблар ва астрономик кузатишларга таянган ҳолда 2024 йилда Рамазон ҳайити 10 апрель, чоршанба кунига тўғри келиши кутилаётгани маълум қилинди.

Шундай қилиб, Ҳайит байрами 10 апрель кунига тўғри келиб, дам олиш кунлари кетма-кетлиги қуйидагича бўлади:

10 апрель, чоршанба — Рамазон ҳайити куни;

11 апрель, пайшанба — барча учун қўшимча дам олиш куни;

12 апрель, жума — 13 апрель, шанба кунидан кўчирилган дам олиш куни;

13 апрель, шанба — барча учун иш куни;

14 апрель, якшанба — барча учун дам олиш куни.