Футбол бўйича Осиё Чемпионлар Лигаси гуруҳ босқичи 1-турини учта ўзбек клубидан иккитаси очко ишлаб олишга муваффақ бўлди. Олмалиқнинг АГМК жамоаси сафарда «Ал-Иттиҳод» меҳмони бўлди. Учрашув масаласи 1-бўлимда ҳал этилди. Иккинчи таймда эса дарвозалар ишғол этилмади. Жидда клуби 3 та тўп киритиб, ғалабани ўзиники қилди. Рақиблар сафида Ромариньо дубл қайд этди. Қаршининг «Насаф» клуби «Ал-Файсалий»га қарши баҳс олиб борди. Учрашув анча қизғин руҳда кечди. Дастлаб, 88-дақиқада Қарши клуби томонидан киритилган гол ҳакам томонидан ўйиндан ташқари ҳолат туфайли бекор қилинди. Кейинчалик эса, сўнгги дақиқаларда қаршиликлар ажойиб ҳужум уюштирди ва Зафармурод Абдураҳматов ажойиб зарба йўллаб, рақиб дарвозасини ишғол қилди. Шу тариқа «Насаф» 3 очкони қўлга киритди. Ўз навбатида, «Навбаҳор» Риёд шаҳрида «Ал Ҳилол»га етарлича қаршилик кўрсатди. Наманганликлар дастлабки таймда ҳисобдаги тенгликни ушлашга, иккинчи бўлимда эса гол уриб, олдинга чиқиб олишга муваффақ бўлишди. Бироқ, ҳакам асосий вақтга 14 дақиқа қўшиб берди ва бу вақтда мезбонлар гол уриб, ҳисобни тенглаштиришди. Натижада, жамоалар 1 очкодан бўлишиб олишди.   ОЧЛ, 1-тур 18 сентябрь, душанба «Ал-Иттиҳод» – АГМК 3:0 Голлар: 1:0 – 11 Камара, 2:0 – 15 Ромариньо, 3:0 – 42 Ромариньо (пенальти). «Ал-Файсалий» – «Насаф» 0:1 Гол: 0:1 — 90+7 Зафармурод Абдураҳматов. «Ал-Ҳилол» – «Навбаҳор» 1:1 Голлар: 0:1 — 52 Табатадзе, 1:1 — 90+11 Али Ал Булайҳи