Ўзбекистон
07.11.2023
322
Ўзбекистоннинг Екатеринбургдаги Бош консуллиги ҳамда Ташқи меҳнат миграция агентлиги томонидан Россиянинг Урал федерал округида мажбурий меҳнатга жалб этилган ўзбекистонликларнинг Ватанга қайтишларига кўмак кўрсатилди, деб хабар бермоқда “Дунё” АА. Бош консулликдан олинган маълумотларга кўра, шу йил октябрь ойида Ўзбекистон фуқаролари Х.С., Б.С. У.Д Ташқи меҳнат миграция агентлигининг Екатеринбург шаҳридаги вакилига мурожаат қилиб Свердловск вилоятидаги “Рефтинская птицефабрика” корхонаси иш берувчилари бир гуруҳ ватандошларимизнинг фуқаролик паспортларини олиб қўйгани ҳамда ойлик маошларини бермасдан мажбурий тарзда ишлатиб келаётганини маълум қилган. Мазкур мурожаатлар асосида олиб борилган суриштирувларга кўра, жорий йилнинг сентябрь-октябрь ойларида Москва вилоятида рўйхатдан ўтган “Константа” МЧЖ 100 нафардан ортиқ юртдошларимизни Свердловск вилоятидаги йирик товуқ етиштириш хўжалигига олиб келган. Мигрантлар Россияда вақтинча бўлиш ва ишлаш ҳуқуқини берувчи ҳужжатлар билан расмийлаштирилмасдан ишга жалб этилган. Маълум бўлишича, улар 2 ой давомида ойлик маошларини олмаган, фуқаролик паспортлари тортиб олинган. Корхона раҳбарияти билан олиб борилган музокаралар натижасида 53 нафар юртдошларимизнинг фуқаролик паспорт олиб берилган ва уларга Ватанга етиб олишлари учун кўмак кўрсатилган. Қолганлар эса Екатеринбург, Москва ва бошқа шаҳарларида қонуний тарзда ўз фаолиятларини давом эттириш истакларини билдирган.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ўзини ўзи банд қилган шахслар қандай солиқ тўлайди?
Солиқ кодексининг 461-моддасининг биринчи қисми 2-бандига асосан солиқ даврида товарларни (хизматларни) реализация қилишдан олинган даромади юз миллион сўмдан ошган, лекин бир миллиард сўмгача бўлган якка тартибдаги тадбиркорлар айланмадан олинадиган солиқ тўловчилар ҳисобланиши белгиланган.
Россияда ўзбекистонлик мигрантларнинг 1 млн 770 минг рубль иш ҳақи ундириб берилди
Россия Федерациясининг Самара вилояти ҳамда Иркутск шаҳрида иш берувчилар Ўзбекистон фуқароларини иш ҳақини тўламасдан ишлатган.
Россиядаги ўзбекистонликлар огоҳлантирилди
Сўнгги вақтларда Россияда ишлаётган Ўзбекистон фуқаролари норасмий курьерлик хизматларида ишлаш оқибатида ушланиб, жиноий жавобгарликка тортилмоқда.
Россиянинг Курск, Брянск ва Белгород вилоятларидаги ўзбекистонликлар огоҳлантирилди
Ўзбекистоннинг Россиядаги Элчихонаси зарур эҳтиёт чораларини кўришни, ўта зарурат бўлмаса, кўчага чиқмасликни, одамларнинг кўп тўпланишига йўл қўймаслик ва жамоат жойларига боришни чеклашни тавсия қилган.
Россияда қаровсиз қолган 17 нафар бола Ўзбекистонга қайтарилди
Болаларга Ватанга қайтиш учун бепул сертификатлар берилган.