Россияда ўзбекистонлик мигрантларнинг 1 млн 770 минг рубль иш ҳақи ундириб берилди
Ўзбекистон
03.11.2023
540
Россия Федерациясининг Самара вилоятида ишлаётган Ўзбекистон фуқаролари Ташқи меҳнат миграцияси агентлигининг мазкур ҳудуддаги вакилига ҳужжатлари ва ойлик иш ҳақини ундириш масаласида мурожаат қилган. Юртдошларимиз Самара вилояти Красноярск туманидаги иссиқхоналарда иш берувчи билан шартнома тузмасдан меҳнат фаолиятини амалга оширган. Иш берувчи бундан фойдаланиб, 5 ойдан буён 891 минг 812 рубль (9601,66 АҚШ доллари) миқдоридаги иш ҳақини тўламасдан ишлатган. Вакиллик ходимлари томонидан иш берувчи билан алоқа ўрнатилди ва фуқаро аризаси юзасидан суриштирув ишлари олиб борилди. Натижада юртдошларимизнинг иш ҳақи ва ҳужжатлари тўлиқ қайтарилган. Шунингдек, Иркутск шаҳридаги “OlmaStroy” корхонасида ишлаётган юртдошларимиз ойлик маошини ундириб беришда амалий ёрдам сўраб, мурожаат қилган. Ташқи меҳнат миграцияси агентлигининг Иркутск шаҳридаги вакилининг қурилиш корхонаси мутасаддилари билан олиб борган музокаралари натижасида меҳнат мигрантларининг тўланмай турган 880 807 рубль (9487 АҚШ доллари) миқдоридаги иш ҳақи ундириб берилган.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Мавзуга доир янгиликлар:
Россияда 100 нафардан ортиқ ўзбекистонликнинг паспорти олиб қўйилиб, мажбурий меҳнатга жалб этилгани маълум бўлди
Мигрантлар Ташқи меҳнат миграция агентлигининг Екатеринбург шаҳридаги вакилига мурожаат қилган.
Россиядаги ўзбекистонликлар огоҳлантирилди
Сўнгги вақтларда Россияда ишлаётган Ўзбекистон фуқаролари норасмий курьерлик хизматларида ишлаш оқибатида ушланиб, жиноий жавобгарликка тортилмоқда.
Россиянинг Курск, Брянск ва Белгород вилоятларидаги ўзбекистонликлар огоҳлантирилди
Ўзбекистоннинг Россиядаги Элчихонаси зарур эҳтиёт чораларини кўришни, ўта зарурат бўлмаса, кўчага чиқмасликни, одамларнинг кўп тўпланишига йўл қўймаслик ва жамоат жойларига боришни чеклашни тавсия қилган.
Россияда қаровсиз қолган 17 нафар бола Ўзбекистонга қайтарилди
Болаларга Ватанга қайтиш учун бепул сертификатлар берилган.