Саудияда Ўзбекистон маданияти кунлари ўтказилади
Ўзбекистон
09.06.2024
999
Саудия Арабистонининг Ар-Риёз ва Жидда шаҳарларида Ўзбекистон маданияти кунлари ўтказилади, деб хабар бермоқда "Дунё" ахборот агентлиги.
Қайд этилишича, Ўзбекистон элчиси Нодиржон Турғунов Саудия Арабистони маданият вазирининг халқаро алоқалар бўйича ўринбосари Фаҳд ал-Канан билан учрашган.
Суҳбат чоғида Саудия Арабистонида Ўзбекистон маданияти кунларини ўтказиш масалалари муҳокама қилинди.
Вазир ўринбосари Фаҳд ал-Канан Ўзбекистон ва Саудия Арабистони ўртасидаги ҳамкорлик барча соҳаларда ривожланиб бораётганини таъкидлади. У сўнгги йилларда Саудияда маданий соҳада ўтказилаётган йирик тадбирларда Ўзбекистон вакилларининг иштирокини ижобий баҳолаб, ушбу йўналишдаги ҳамкорликни янада жадаллаштириш лозимлигини қайд этди.
"Ўзбекистон делегациясининг ҳар икки йилда бир марта ўтказиб келинаётган Халқаро ислом биенналисида фаол иштирок этмоқда. Биз 2025 йилнинг январь ойида Саудия Арабистонида ўтказилиши режалаштирилган навбатдаги тадбирда Ўзбекистон Маданият вазирлиги, Маданият ва санъатни ривожлантириш жамғармаси ҳамда Ўзбекистон Мусулмонлари идораси вакилларининг иштирокини ишлаб чиқишни таклиф этамиз", деди у.
Учрашувда жорий йилда Ар-Риёз ва Жидда шаҳарларида Ўзбекистон маданият кунларини ўтказиш бўйича музокараларни давом эттириш тўғрисида келишиб олинди.
Улашиш:
Бошқалар
Давлат органлари ва ташкилотлари функцияларининг мазмун-моҳиятига бағишланган янги услубий қўлланма
Қўлланмада давлат органлари ва ташкилотларининг вазифа ва функциялари ўзаро боғлиқ тушунчалар экани тушунтирилади.
«Келажак» марказлари қандай ташкилот ва уларнинг вазифаси нималардан иборат?
«Келажак» марказлари кўп тармоқли бўлиб, у фаолият юритадиган ҳудуднинг ўзига хос хусусияти йўналишларида тўгараклар ташкил этади.
Дорихоналарда тез-тез учрайдиган ёзув: “сотиб олинган дори воситалари қайтариб олинмайди”
Бироқ сифатсиз дори воситалари, шунингдек шифокор томонидан берилган рецептга номутаносиб тарзда дорихона томонидан реализация қилинган дори воситалари мазкур Низомга мувофиқ қайтарилиши лозим.
Никоҳ шартномаларини тасдиқлаш тартиби белгиланди
Низомга кўра, нотариуслар томонидан никоҳ шартномаси нотариал идора биносида, видеоконференцалоқа орқали ёки мурожаат қилувчиларнинг хоҳишига кўра сайёр тартибда расмийлаштирилади.
Мавзуга доир янгиликлар:
Саудия компанияси Ўзбекистонда халқаро мактаб очмоқчи
Иккала томон ҳам бу масала бўйича ҳамкорликка розилигини билдирган.
Саудия Ўзбекистон ОТМлари билан ҳамкорликни кенгайтиради
Ўзбекистонлик талабаларни Саудиянинг етакчи университетларида грант асосида таълим олиш имкониятини кўпайтириш масаласи муҳокама қилинди.
Ўзбекистон элчиси Саудиядаги миссиясини якунлади
Улуғбек Мақсудов бу лавозимда 2018 йилнинг май ойидан бери ишлаб келаётганди.
Футбол бўйича 2034 йилги жаҳон чемпионати Саудия Арабистонида ўтказилади
ФИФА Осиё ва Океания мамлакатларига мусобақани қабул қилиш учун 31-октябрга қадар ариза юборишни таклиф қилган эди.