Ҳукумат қарори билан Суд экспертизаси тадқиқотларини ўтказиш тартиби тўғрисидаги намунавий низом тасдиқланди. Унда бир қатор янгиликлар мавжуд.

1. 1. Хорижий ташкилот ва чет эл фуқаролари миллий суд-экспертиза хизматларидан фойдаланиши мумкин. Бу чет элликларга мамлакатимизда тадбиркорлик фаолиятини олиб боришларида қулайлик яратиб,  муаммоларни мустақил ҳал этишига хизмат қилади.
   2. Суд экспертизаси тадқиқотларини ўтказиш тартиби ўзгарди. Хусусан, суд экспертларининг тадқиқотлар ўтказишда манфаатлар тўқнашувини олдини олишга қаратилган чекловлар кучайтирилди. Жумладан суд эксперти манфаатдор томонларга қариндош бўлса, шунингдек, манфаатдор томонлар суд-экспертиза ташкилоти раҳбарияти ёки масъул ходимларига қариндош бўлса иш материаллари юзасидан тадқиқотлар ўтказиши тақиқланди. (тўлиқ чекловлар бу ерда)
   3. Адвокатлар томонидан суд экспертизасини тайинлаш механизми, тадқиқотлар ўтказиш жараёнида ҳужжатларнинг электрон тарзда алмашинуви белгиланди.
   4. Экспертиза турлари юзасидан тадқиқотлар ўтказилиши ва натижаси юзасидан мутахассис фикри берилиши назарда тутилди. Бу келгусида жисмоний ва юридик шахсларга ўз ҳуқуқларини суд ва тергов органларида ҳимоя қилишга яқиндан ёрдам беради.
   5. Суд экспертизаси ва тадқиқотларни нафақат давлат ёки нодавлат суд-экспертиза ташкилотларида ўтказиш, балки илмий-тадқиқот институтларида ҳам ўтказиш учун ҳуқуқий асос ва механизмлар яратилди. Яъни, илмий фаолият билан шуғулланувчи муассаса (ташкилот)ларига суд экспертизаси юзасидан тадқиқотлар ўтказишга рухсат берилди. Натижада, фан билан амалиётни узвий равишда олиб бориш имконияти яратилади.

Миркомил БАЗОРОВ, Адлия вазирлиги бошқарма бошлиғи ўринбосари