Юнусобод туманидаги 259-мактабнинг 6-синф ўқувчиси жисмоний тарбия дарси чоғида вафот этганлиги ҳақидаги хабар юзасидан Тошкент шаҳар мактабгача ва мактаб таълими бошқармаси расмий муносабат берди. Қайд этилишича, Юнусобод туманидаги 259-сонли умумтаълим мактабида   2023-йил 6-октябр куни тахминан соат 11:10 ларда дарс жадвали асосида 6-“Д” синфида 4-соат жисмоний тарбия дарсида жисмоний тарбия ўқитувчиси М.К. йиллик иш режасига асосан “Футбол амалиёти. Тўп билан ҳаракатланиш” мавзусида дарс ўтаётган бўлган. Шу вақтда шу синф ўқувчиси, 2011-йил 23-мартда туғилган М.С. нинг кўкрак қафасига копток тегиши оқибатида ҳушини йўқотган. Зудлик билан ўқувчи тумандаги 7-сонли клиник шифохонасига олиб борилган. Шифокорлар томонидан тез тиббий ёрдам кўрсатилишига қарамай ўқувчи М.С. вафот этган. Суд тиббий экспертизасининг дастлабки хулосасига кўра, М.С. га юракнинг рефлектор тўхташи. Ўткир юрак-қон томир ва нафас етишмовчилиги. Бош мия ва ўпка шиши. Юрак гипертрофияси. Юрак туғма нуқсони ташхиси қўйилган.