Тошкентда ичимлик ва оқова сув хизматлари нархлари ошмоқда. Бу ҳақдаги қарор кеча, 24 ноябрь куни Халқ депутатлари Тошкент шаҳар Кенгаши томонидан тасдиқланди.

Келтирилишича, жисмоний шахслар, бюджет ташкилотлари ва улгуржи истеъмолчилар учун сувнинг бир куб метри нархи 1400 сўм (амалдаги нарх 400 сўм), канализаций хизматлари учун 1000 сўм (амалдаги нарх 350 сўм) этиб белгиланди. Юридик шахслар учун тарифлар уч баравар оширилди - ичимлик сувининг ҳар куб метри учун 1000 сўмдан 3000 сўмгача , канализация хизматлари учун эса 820 сўмдан 2200 сўмгача.

Тарифлар расмий қарор эълон қилинганидан кейин 15 кун ўтгач кучга киради.