Ўзбекистон ТИВ Ғазо секторидаги вазият ҳақида: Қуролли можарони тўхтатиш учун фақат дипломатик воситалар ва халқаро ҳуқуқ меъёрларидан фойдаланишга чақирамиз
Ўзбекистон
27.10.2023
964
Бугун, 27 октябрь куни Ўзбекистон Ташқи ишлар вазирлигида БАА, Жазоир, Иордания, Кувайт, Миср, Қатар, Фаластин, Саудия Арабистони ва Исроилнинг Ўзбекистондаги дипломатик ваколатхоналари раҳбарлари билан учрашувлар ўтказилган. Унда бошқа масалалар қаторида Ғазо секторидаги мавжуд вазият юзасидан ҳам фикр алмашилган. “Биз яна бир бор барча томонларни тинч аҳоли орасида минглаб инсонлар, жумладан, болалар қурбон бўлаётган қуролли можарони тўхтатишга, ечим топиш учун фақат дипломатик воситалар ва халқаро ҳуқуқ меъёрларидан фойдаланишга чақирамиз”, — деб ёзди ташқи ишлар вазири Бахтиёр Саидов. 7 октябрь куни Ғазо секторини назорат қилувчи ҲАМАС ҳаракати аъзолари Исроилнинг чегарадош ҳудудларига ҳужум қилганидан кейин, исроиллик ҳарбийлар бунга жавобан сектор ҳудудини ўққа тутиб келмоқда. Авиазарбалар натижасида минглаб тинч аҳоли вакиллари ҳам ҳалок бўлган. Ўзбекистон ТИВ 9 октябрь куни ҳам мазкур можаро бўйича баёнот бериб, курашаётган томонларни қуролли қарама-қаршиликни тез фурсатларда тугатиш ва инқирозни сиёсий ҳамда дипломатик воситалар орқали ҳал қилиш учун барча чораларни кўришга чақирган эди. Мавзуга доир: “Даҳшатли зўравонлик” – Ўзбекистон Ғазодаги касалхонага уюштирилган ҳужумни қоралади
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Марказий Осиё ва Форс кўрфази давлатлари ТИВ раҳбарлари Тошкентда йиғилади
15 апрель куни Тошкент шаҳрида "Марказий Осиё – Форс кўрфази араб давлатлари ҳамкорлик кенгаши" Стратегик мулоқоти Ташқи ишлар вазирларининг иккинчи йиғилиши бўлиб ўтади.
Шавкат Мирзиёев топшириғига асосан Қирғизистонга гуманитар ёрдам кўрсатилади
Ўзбекистон томони Бишкек иссиқлик электр станциясида юз берган авария муносабати билан Қирғизистонга зарур ёрдам кўрсатишга тайёрлигини билдирган.
Исроил–Ғазо урушида БМТнинг 88 нафар ходими ҳалок бўлди
Бу Бирлашган Миллатлар Ташкилотининг битта можарода кўрган энг катта йўқотишидир.
ҲАМАС-Исроил можароси. Нега БМТ минтақадаги вазиятни барқарорлаштиришнинг уддасидан чиқа олмаяпти?
Куни кеча, 18 октябрда АҚШ БМТ Хавфсизлик Кенгашининг ҲАМАС жангарилари ва Исроил ўртасидаги можарода гуманитар тўхтамга чақирган резолюциясига вето қўйди. Бунга жавобан Россиянинг БМТдаги элчиси америкалик ҳамкасбларини “иккиюзламачилик ва икки стандартлилик”да айблади. Human Rights Watch ташкилоти Ғазодаги қуролли ҳаракатларни ҳарбий жиноят санамоқда. Hudud24.uz БМТ Хавфсизлик Кенгашининг Ғазодаги вазиятни юмшатишга бўлган уринишлари ва Кенгаш фаолиятидаги муаммолар, хусусан, вето ҳуқуқи ҳақида сўз юритади.