Бутун дунёда истеъмол харажатлари ошиб бормоқда. Бу ҳақида халқаро тадқиқотлар билан шуғулланувчи Euromonitor International ташкилоти ўзининг навбатдаги маърузасида маълум қилди. Унда қайд этилишича, ўзбекистонликлар ойлик даромадларининг 46,5 фоиз фоизини озиқ-овқат сотиб олишга сарфлайдилар. Қозоғистонда бу кўрсаткич янада баланд – 49,4 фоиз, Нигерияда эса дунёдаги энг юқори кўрсаткич қайд этилган – 59 фоиз. Дунёда озиқ-овқат нархи маошлар ва даромадларга нисбатан энг арзон мамлакатлар сифатида АҚШ (6,7 фоиз) ва Сингапур (8,4 фоиз) қайд этилган. Euromonitor International бош офиси Лондонда жойлашган бўлиб, бизнес таҳлиллари, бозор ҳолати ва истеъмолчилар бўйича маълумотлар тақдим этувчи етакчи ташкилот ҳисобланади. Ташкилотнинг 2023 йил учун эълон қилган таҳлилларида айтилишича, бутун дунёда ҳар 4 истеъмолчидан 3 таси кундалик истеъмол харажатлари ошиб бораётганидан ташвишда. “Нархлар иш ҳақига нисбатан тезроқ ўсиши шароитида истеъмолчилар ўзларининг асосий эҳтиёжларини қондиришга қийналишади. Бу эса “турмуш баҳоси” инқирозига олиб келиши мумкин. Турмуш баҳоси (Cost of living) – маълум турмуш даражасини сақлаб туриш учун зарур эҳтиёжларга сарфланадиган маблағ. Ташкилот 2023 йилда бутун дунё аҳолисининг даромадлари ўртача 5,3 фоизга ортиши фонида бутунжаҳон инфляция кўрсаткичи 6,9 фоизга етишини прогноз қилган ва буни рекорд даражада юқори инфляция деб баҳоламоқда. Шунингдек, Euromonitor International жаҳондаги йирик иқтисодиётга эга бир қанча мамлакатларни мисол тариқасида олар экан, улардаги “турмуш баҳоси” ва инфляция кўрсаткичларининг 2021–2023 йилларга оид ўзгаришини қуйидагича келтиради: