Ўзбекистон
24.02.2023
577
Жанубий Кореяда туғилиш борган сари камайиб бормоқда. The Washington Post сайтида бу ҳақда таҳлилий маълумот эълон қилинди. Мамлакатда туғилиш коэффициенти ўтган йилги 0,81 фоиздан 2022 йилда 0,78 фоизга тушган, бу дунёдаги энг паст кўрсаткичдир. Корея давлат статистикаси томонидан эълон қилинган бу кўрсаткич 7 йил кетма-кет пасайганини англатади. Маълум бўлишича, сўнгги ўн йил ичида мамлакат бўйлаб 300 га яқин давлат мактаблари ёпилган. Жанубий Кореяда меҳнатга лаёқатли аҳоли камайиб бораётгани сабабли, кексаларга ғамхўрлик маъсулияти ортиб боряпти. Бу шароитда ўз-ўзидан солиқ тушумлари ҳам камаяди. Расмий ҳисоб-китобларга кўра, Жанубий Кореянинг пенсия жамғармаси 2055 йилга келиб бутунлай йўқ бўлиши мумкин. Жанубий Корея ҳукумати ҳозирда демографияни сиёсатнинг устувор йўналишига айлантирган ва бунга бюджетдан катта маблағлар ажратмоқда. Дастурлар ҳомиладорлик, туғиш ва бола парвариши учун субсидияларга қаратилган. Ўтган йили Сеулда янги туғилган чақалоғи бор ҳар бир оила учун ойлик 1 миллион вон (767 доллар) миқдорида нафақа берилиши эълон қилинган. Аммо бундай рағбатлантириш шу пайтгача натижасини кўрсатмаяпти. Экспертларнинг фикрича, ҳукумат пул билан рағбатлантиришдан кўра, оила учун муҳим ресурслар, масалан, чекланган яшаш майдони, узоқ иш соатларини енгиллатиши керак. Тадқиқотчилар кореялик аёллар мартаба ва оналикни мувозанатга келтира олмаётганини айтишади. Мамлакатдаги аёллар ҳуқуқлари ҳимоячилари ишлаётган аёллар учун иш соатларининг узунлиги сабаб улар оилавий муносабатларга кам вақт сарфлашини кўп марта ишора ишора қилган. 52 миллион аҳолиси бўлган Жанубий Кореяда ўтган йили туғилишдан кўра кўпроқ ўлим қайд этилган: 249,000 туғилиш ва 373,000 ўлим. Мамлакат коронавирус тарқалиши пайтида ҳам кўп аҳолисини йўқотди. Эмлашлар орқали вирус назоратга олинган бўлса-да, ковид қурбонлари сони 33,000 дан ошди. Бунинг устига 2021 йилда мамлакатда никоҳлар сони ҳам кескин камайган, бу 1970 йилда рўйхатга олиш бошланганидан бери энг паст кўрсаткичдир.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
94 ёшли онахонга туғилганлик тўғрисидаги гувоҳнома топширилди
Анора момо 1930 йилнинг 1 июлида Нурота туманининг Модовод қишлоғида туғилган. У оилада тўққиз фарзанднинг учинчиси бўлган. Ўн нафар фарзанди, 44 невара, 89 чевара ва 6 нафар эвараси бор.
Тошкентдаги хонадонда юз берган ёнғинда 3 киши ҳалок бўлди
Вафот этган аёл 28, қизлар эса 8 ва 5 ёшда бўлган.
Бухорода “мусоровоз” талаба қизни босиб кетди
42 ёшли ҳайдовчи паст бўйли қизни пайқамасдан юк машинасини унинг устига ҳайдаб юборган.
Ўзбекистоннинг Сеулдаги элчихонаси фуқароларга огоҳлантириш билан чиқди
Ўзбекистоннинг Жанубий Кореядаги элчихонаси ушбу давлатда бўлиб турган ватандошларга шу кунларда одамлар гавжум тадбирлар, турли хилдаги митинг ва намойишларда қатнашмасликни тавсия қилди.