Жиззах вилояти ИИБ ЖХХ ЙҲХБ Ахборот хизматининг маълум қилишича, 2023 йил 15 июль куни соат 06:45 ларда Ш.Рашидов тумани ҳудудидан ўтган 4Р-35 “Жиззах-Пахтакор-Гагарин» автомобиль йўлида 1988 йилда туғилган ҳайдовчи Lacetti’ни бошқариб бораётиб, қарама-қарши йўналишда ҳаракатланиб келаётган 1993 йилда туғилган ҳайдовчи бошқарувидаги Cobalt’нинг йўлига чиқиб кетиши оқибатида тўқнашиб, ЙТҲ содир қилган. Оқибатда, Lacetti вa Cobalt ҳайдовчилари оғир тан жароҳатлари билан воқеа жойида вафот этишган. Шунингдек, ушбу транспорт воситаларида бўлган 3 нафар йўловчилар оғир тан жароҳатлари билан РШТЁИМ Жиззах филиалининг жонлантириш бўлимига ётқизилган. Келтирилишича, мазкур ҳолат юзасидан Ш.Рашидов тумани ИИБ ТБ томонидан тергов ҳаракатлари олиб борилмоқда.