Жалолобод вилоятида иккита мактаб қизамиқ туфайли карантинга ёпилди. Бу ҳақда Таълим ва фан вазирлиги матбуот хизмати хабар берди. Маълумотга кўра, бундай қарор эпидемияга ва эпизоотияга қарши махсус комиссия томонидан қабул қилинган. Қирғизистонда қизамиқ билан касалланганлар сони ортиб бормоқда. Йил бошидан буён 3 мингдан ортиқ ҳолат қайд этилган бўлиб, уларнинг аксарияти 10 ёшгача бўлган болалардир (барча ҳолатларнинг 88 фоизи). Республикада касалланишнинг ортиши муносабати билан қизамиқ ва қизилчага қарши қўшимча эмлаш давом этмоқда. У 18 сентябрь куни вирус энг фаол тарқалаётган ҳудудларда – Бишкек ва Ўш, Ўш ва Чуй вилоятларида бошланган.