Тошкент шаҳрининг Яшнобод, Бектемир ҳамда Чилонзор туманлари ҳудудидаги айрим аҳоли яшаш хонадонларида электр энергияси соат 10:00дан 18:00га қадар вақтинчалик ўчирилади. Бу ҳақда "Ҳудудий электр тармоқлари" АЖ Тошкент шаҳар филиали матбуот хизмати хабар бермоқда. Қайд этилишича, таъмирлаш ишларини хавфсиз бажариш мақсадида: Бектемир туманининг: "Ийк ота" МФЙнинг Маърифат ва Ҳуррият кўчалари ҳамда "Олтинтопган"МФЙнинг Олтинтопган кўчалари ҳудудидаги аҳоли яшаш хонадонларида; Яшнобод туманининг:  Баку, Бойсун, Ғиждувон, Ҳовот, Марв, М.Ашрафий ҳамда Қашқадарё кўчалари ҳудудидаги аҳоли яшаш хонадонларида; Чилонзор туманининг: Нурхон, Афшона ҳамда Қўшчинор кўчалари  ҳудудидаги хонадонларда электр энергияси вақтинчалик ўчирилади. "Ҳудудий электр тармоқлари" АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди", дейилади хабарда.