Барқарор электр энергияси етказиб берилишини таъминлаш ва тармоқларда содир бўлиши мумкин бўлган авария ҳолатларининг олдини олиш мақсадида 10 июнь куни Тошкентнинг 3 та туманидаги айрим жойларда чироқ ўчирилди. Бу ҳақда «Ҳудудий электр тармоқлари» пойтахт филиали хабар берди. Вақтинча электр таъминотидан узиладиган ҳудудлар: Миробод тумани: Моштабиб, Нукус, С.Барака, Амир Темур ҳамда Туркистон кўчаларида — соат 10:00 дан 17:00 гача. Яшнобод тумани: Чашма, Илғор шоҳ, Оҳанграбо, «Миришкор» МФЙнинг Дархон, Илғор шоҳ кўчалари — соат 10:00 дан 17:00 гача; Юнусобод тумани: Уста Ширин, А.Пўлат ва Миртемир кўчалари — соат 09:00 дан 17:00 гача.