Ўзбекистон қишлоқ хўжалиги вазири Азиз Воитов Самарқанд шаҳрида 7—8 сентябрь кунлари бўлиб ўтадиган Озиқ-овқат хавфсизлигига бағишланган халқаро конференция юзасидан оммавий ахборот воситаларига маълумот берди. “Мазкур конференциядаги асосий масала бу – озиқ-овқат хавфсизлиги. Бу бутун дунё олдида турган глобал масалалардан биридир. Бугунги геосиёсий вазият, иқлим ўзгаришлари, сув ресурсларининг камайиб бориши, ерларнинг шўрланиши каби масалалар нафақат биз балки бутун дунёда долзарблашиб бормоқда. Ушбу масалаларни ҳамжамият билан муҳокама қилиш, хорижий давлатлар тажрибаларини ўрганиш ва бу орқали олдимизда турган муаммоларга ечим топиш, биргаликда янги лойиҳалар ишлаб чиқиш конференциянинг асосий мақсади. Шунингдек, диққат марказида бўладиган масалалардан ян бири бу – “ноль очлик”. Бу борада озиқ-овқат хавфсизлигини мониторинг қилиш, маҳсулот етиштириш ва уни истеъмол қилишни рационал, яъни тўғри йўлга қўйиш, яшил (экспресс) коридорлар ва логистика соҳаларини яхшилаш масалага ечим топишнинг асосий омиллари бўлиб хизмат қилади” Маълумот учун, халқаро конференцияда иштирок этиш учун дунёнинг 32 та мамлакатидан 2 минг 330 нафар хорижий эксперт анжуман доирасида глобал ўзгаришлар борасидаги ўз фикр-мулоҳазалари билан ўртоқлашади. Конференциядан қишлоқ хўжалиги экинларини етиштириш ва қайта ишлаш дастурларини ишлаб чиқиш, тўғридан тўғри ўзаро етказиб беришнинг келишилган схемаларини шакллантириш, озиқ-овқат хавфсизлигини таъминлаш масаласининг барча соҳалари ўрин олган.