Пиёда юриш жисмоний фаолиятнинг энг осон ва энг қулай шаклидир. Бу соғлиқ учун катта фойда келтиради, иммунитет тизимини, юрак ва қон томирларини мустаҳкамлайди, стрессни камайтиради ва уйқуни яхшилайди. Келинг ҳаётни узайтириш учун ҳақиқатан ҳам қанча юришингиз кераклиги ва 10 минг қадам ҳақидаги тренд қайердан пайдо бўлганини кўриб чиқамиз. Нима учун ҳар куни пиёда юриш керак? Жисмоний фаоллик инсон саломатлиги, тана тузилиши ва кайфиятни яхши сақлашда муҳим аҳамиятга эга. Бошқа спорт турлари қаторида шифокорлар кардио юкламарни алоҳида ажратишади: сайр қилиш, югуриш, сузиш, велосипедда юриш ва рақсга тушиш шулар жумласидандир. Пиёда юриш - бу машқларнинг энг қулай шакли. Бу махсус тайёргарлик, спорт жиҳозалри ва харажатларни талаб қилмайди, лекин шу билан бирга инсон саломатлигига катта ижобий таъсир кўрсатади. Инсон ҳар куни камида 10 минг қадам ташлаши керак деган фикр бор ва умуман олганда – бу гипотеза қанчалик кўп юрилса бўлса, шунча яхши таъсир қилишини англатади. Бироқ, барча шифокорлар ҳам бунга қўшилмайдилар. Гап шундаки, баъзи пиёдалар - масалан, кексалар ёки ортиқча вазнли одамлар учун бундай масофаларни босиб ўтиш қийин бўлиши мумкин. Вақтни қадамлар сонига эмас, балки юриш вақтига сарфлаш анча самаралидир. Энг яхши вариант 30-60 дақиқа давомида ўртача тезликда юриш ҳисобланади. Бундай юришлар ҳар куни давомий тарзда амалга оширилиши керак. Пиёда юришнинг энг қулай шакли –  одамнинг пешонасида озгина тер пайдо бўладиган даражада тезликни танлаш тавсия этилади ва нафас олиш суҳбатни давом эттириш учун етарли лозим. Бу тезлик юрак ва ўпкангизни соғлом сақлаш учун яхшидир. Аслида ҳар куни қанча юриш керак? Жаҳон соғлиқни сақлаш ассоциацияси (ЖССТ) катталарга ҳафтасига 150-300 дақиқа юришни тавсия қилади. Шу билан бирга, юриш бошқа ўртача аэроб машқлари билан алмаштирилиши мумкин - масалан, сузиш, рақсга тушиш ёки югуриш. Нима учун юриш фойдали? Кўпгина тадқиқотларга кўра, юриш соғлиқ учун жуда кўп фойда келтиради. Aввало, улар иммунитет тизимини мустаҳкамлайди: ҳар куни кўп юрадиган одамларнинг ўткир респираторли вирус инфекцияси билан касалланиш эҳтимоли 25 фоизга камроқ эканлигига маълумдир. Бундан ташқари, уларнинг метаболизми яхшироқ ишлайди, муҳим органлар ва тизимларнинг функциялари қўллаб-қувватланади. Қандай қилиб юриш саломатликни яхшилайди: – юрак ва қон томирларини мустаҳкамлайди, бунинг натижасида одамнинг қон босими нормаллашади; – тўқималарнинг инсулинга сезгирлигини ошириш орқали диабет ривожланиш хавфини камайтиради; – ортиқча вазнни камайтиришга ёрдам беради (агар сиз ҳар куни юриб, бир неча минг қадам ташласангиз): юрак уриш тезлигининг ошиши туфайли қон оқими кучаяди ва мушакларнинг кислород билан таъминланиши кучаяди - пиёда юриш пайтида калориялар беш баравар кўп ёқилади; – мушакларни тонусга келтиради, уйқуни яхшилайди; – стресс ва ташвишларни енгиллаштиради, кайфиятни яхшилайди, энергияни кучайтиради - бундай ижобий таъсир эндорфинларнинг чиқарилишини қўзғатадиган адреналиннинг ишлаб чиқариши билан изоҳланади; – миянинг самарадорлигини оширади. Шундай қилиб, бир соатлик юриш орқали одам икки соатга умрини узайтиради. Бу кўплаб тадқиқотларда аниқланган. Ҳар куни пиёда юриш одатини қандай ривожлантириш мумкин? Aгар бирор киши ҳар куни юрмаса, демак, у доимий стрессда яшайди. Психологлар юриш инсоннинг руҳий ва ақлий саломатликка катта фойда келтиришини, шунинг учун табиат қўйнида сайр қилиш деярли ҳамма учун тавсия этилишини таъкидлашади. Юриш пайтида танамиз стресс даражасини пасайтириш ва кайфиятни яхшилашга ёрдам берадиган серотонин ва эндорфинларни чиқаради. Бундан ташқари, хавотирланиш даражасини оширадиган стресс гормони –  кортизол даражаси камаяди. Кам ҳаракатли инсонлар кичик жисмоний машқлар билан бошлаши: ҳар куни 20-30 дақиқа кўчага чиқиб, вақт ўтиши билан босиб ўтган вақт ва масофани ошириб, шунчаки пиёда юришлари мумкин. Офисда ишлаётганлар учун тез-тез ўрнидан туриб, ҳаракатланиш фойдалидир: тушлик танаффусида пиёда сайр қилиш энг мақбул йўл. Саломатлик - бу мунтазам ҳаракатни яхши кўрадиган тизим, чунки у сизнинг одатларингиздан иборат. Шундай қилиб, жисмоний фаолият кундалик ҳаёт тарзингиздан ўрин олган бўлиши керак - бу фаол узоқ умр кўришнинг калитидир.